Sajuzny Saŭmin zaćvierdziŭ indykatyŭnyja bałansy paliŭna-enierhietyčnych resursaŭ na 2015 hod.
Bałansy zaćvierdžany na hod. «Praduhledžvajecca, što ŭ Biełaruś pastupić 23 młn t nafty, u tym liku 22 młn t trubapravodnym transpartam», — prakamienciravaŭ pradstaŭnik Savieta Ministraŭ Biełarusi. Adpaviedna Biełaruś pastavić u Rasiju naftapradukty va ŭzhodnienych abjomach. «Pryčym usie pryncypy cenaŭtvareńnia buduć rynačnymi», — adznačyŭ jon.
Jak raskazaŭ pradstaŭnik Saŭmina, kali Biełaruś adchilajecca bolš jak na 10 pracentaŭ ad abjomaŭ pastaŭki aŭtamabilnych bienzinaŭ na rynak Rasii, baki ŭstupajuć u kansultacyi, i jość prava ŭ zaležnaści ad hetaha skarekciravać pastaŭki Rasijaj nafty.
Siońnia ŭ Minsku Sajuzny Saŭmin zaćvierdziŭ indykatyŭnyja bałansy klučavych tavarnych resursaŭ. Jany padrazumiavajuć rost pastavak biełaruskaj pradukcyi ŭ Rasiju, u pieršuju čarhu charčovaj.
Paliŭna-enierhietyčny bałans Sajuznaj dziaržavy vyznačaje abjomy ŭzajemnych pastavak jak syraviny, tak i hatovaj pradukcyi, u pryvatnaści naftapraduktaŭ, na hod. U 2014 hodzie ŭ cełym zapłanavana pastaŭka 23 młn t nafty, ź ich 21,5 młn t — trubapravodnym transpartam. Hety abjom zychodzić z płanaŭ sacyjalna-ekanamičnaha raźvićcia, pryniatych na biahučy hod. U 2013 hodzie štokvartalna na biełaruskija zavody pastupała 5,75 młn t rasijskaj nafty.
Kamientary