Tenisnaja akademija Biełarusi ŭ bližejšym budučym moža stać lepšaj u śviecie. Takoje mierkavańnie vykazaŭ siońnia staršynia Biełaruskaj tenisnaj fiederacyi (BTF), staršynia Savieta dyrektaraŭ AAT «Amkador» — kirujučaja kampanija chołdynha» Alaksandr Šakucin na prezientacyi Nacyjanalnaj akademii tenisa.
Nacyjanalnaja akademija tenisa raźmieščana ŭ novym korpusie Pałaca tenisa, pabudavanym u 2014 hodzie. U rasparadžeńni biełaruskich tenisistaŭ 8 krytych i 15 adkrytych kortaŭ z roznymi typami pakryćcia, na jakich možna treniravacca kruhły hod. Dla zabieśpiačeńnia trenirovačnaha pracesu tut budzie stvorana tenisnaja infrastruktura poŭnaha cykła, jakaja ŭklučaje ŭ siabie śpiecyjalizavany miedycynski centr, trenažornyja zały, basiejn, nievialikuju haścinicu i kryjasaŭnu dla adnaŭleńnia spartsmienaŭ paśla hulniaŭ i trenirovak. Taksama ŭ bližejšy čas budzie prezientavany płan budaŭnictva tenisnaha centra z hruntavym pakryćciom.
«Tenisnaja akademija budzie adpaviadać usim standartam, jakija nieabchodny dla paŭnacennaj padrychtoŭki spartsmienaŭ», — skazaŭ Alaksandr Šakucin.
Pavodle słoŭ staršyni BTF, kab atrymać spartsmienaŭ top-uzroŭniu nieabchodny minimum try ŭmovy: najaŭnaść tenisnych kortaŭ i trenierskaha składu, śpiecyjalnaha abstalavańnia i miedycynskaha supravadžeńnia.
«U chutkim časie my sfarmirujem kampjutarnuju prahramu, u jakoj budzie raśpisany indyvidualny płan kožnaha spartsmiena na dzień, tydzień i miesiac», — dadaŭ Alaksandr Šakucin.
Treba adznačyć, što ŭ bližejšym budučym u Minsku pačniecca budaŭnictva siami tenisnych centraŭ. Taksama viaducca pierahavory ab budaŭnictvie tenisnych škoł u kožnym abłasnym centry.
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary