Lider hramadzkaha abjadnańnia «Perspektyva» Anatol Šumčanka zaklikaŭ pradprymalnikaŭ 19 śniežnia ŭziać udzieł u ahulnym strajku.
Pradprymalniki takim čynam buduć patrabavać admieny Ŭkazu № 760, pavodle jakoha ad 1 studzienia nielha budzie najmać na pracu nie svajakoŭ. Jašče adnoj z metaŭ strajku jość prajava salidarnaści z aryštavanymi ŭdzielnikami mitynhu 10 śniežnia.
Lider abjadnańnia «Perspektyva» Anatol Šumčanka patłumačyŭ Radyjo Svaboda, što adnadzionny strajk — heta kampramis pamiž roznymi pradprymalnickimi strukturami. Jon padkreśliŭ, što ŭsie indyvidualnyja pradprymalniki suprać Ukazu № 760, ale adny hatovyja tolki da ŭdziełu ŭ sankcyjanavanych mierapryjemstvach, inšyja da vychadu na Kastryčnickuju płošču, a niechta tolki na adnadzionnuju zabastoŭku.
Anatol Šumčanka ŭpeŭnieny, što strajk padtrymajuć na rynkach u abłasnych haradach, a taksama ŭ niekatorych rehijonach:
«Zabastoŭka adbudziecca. Kolkaść udzielnikaŭ? My dumajem, što takaja, jak zaŭsiody. Kali ŭziać abłasnyja centry i Miensk, to dumaju, što tysiač 60‑70 jak minimum budzie. 19 śniežnia pryjedziecie i pahladzicie. U tym, što jana adbudziecca, u nas niama nijakaha sumnievu».
«Da 1 studzienia zastajecca vielmi mała času. Urad całkam ihnaruje ŭsie patrabavańni pradprymalnikaŭ. Całkam ihnaruje ŭsie rezalucyi forumaŭ i mitynhaŭ. Adzinaje, što zastajecca pradprymalnikam, heta zabastoŭka», — Havoryć kaardynatar «Perspektyvy» ŭ Bieraściejskaj vobłaści Viktar Čajkoŭski.
Anatol Šumčanka padkreśliŭ, što nijakich pieramovaŭ z uładami nia budzie, pakul za kratami znachodziacca aryštavanyja ŭdzielniki mitynhu 10 śniežnia.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary