Bransk — naš: schiema biełaruskaj kantrabandy ŭ rasijskija harady
Apošnim časam u Bransku možna było nazirać, jak fury ź nibyta zabaronienymi da ŭvozu polskimi pamidorami i inšaj harodninaj spakojna razhružajucca na aptovym rynku.
Arhanizatary takoha handlu — biełaruskija i polskija pastaŭščyki, jakija dziejničali sumiesna, i ź nieprychavanaj ironijaj kpili z namahańniaŭ rasijskaha ŭrada zabaranić uvoz praduktaŭ ź Jeŭrasajuza.
U takich umovach Fiederalnaja słužba pa vieterynarnym i fitasanitarnym nahladzie (Raśsielhasnahlad) była vymušanaja pryniać adpaviednyja miery i stała zatrymlivać kantrabandnyja hruzy z susiedniaj sajuznaj dziaržavy.
Pavodle dadzienych viedamstva, u niezakonnych pastaŭkach była zadziejničana Hałoŭnaja dziaržaŭnaja inśpiekcyja pa nasieńniavodstvie, karancinie i achovie raślin Biełarusi, piša TASS sa spasyłkaj na paviedamleńnie Raśsielhasnahladu.
Pa tranzitnym siertyfikacie dziaržaŭnaj inśpiekcyi Biełarusi zielanina kiravałasia praz terytoryju Rasii nibyta ŭ Kazachstan. Adnak da kazachskich stepaŭ fura nie dajazdžała: mašyna razhružałasia ŭ adnym z rasiejskich haradoŭ, zatym viartałasia ŭ Biełaruś, zapaŭniałasia anałahičnym asartymientam i pa tym ža siertyfikacie znoŭ jechała ŭ napramku Kazachstana.
Raśsielhasnahlad uhledzieŭ u dziejanńniach biełarusaŭ vyklik zakanadaŭstvu Mytnaha sajuza, prypisvajučy im paŭtornaje vykarystańnie fitasanitarnaha siertyfikata i parušeńnie praviłaŭ tranzitu.
Nahadajem, što tranzit praduktaŭ «sankcyjnaj» hrupy, vyrablenych u Narviehii, ZŠA, ES ci Aŭstralii, u Rasiju zabaronieny ŭ suviazi z uviedzienym 7 žniŭnia 2014 pradembarha ŭ adkaz na dziejańni hetych krain va ŭmovach palityčnaha kryzisu va Ukrainie.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy20
Kamientary