Na minskim rynku žytła ŭstalavałasia cenavaje płato, jakoje charaktaryzujecca słabymi vahańniami cen i zbałansavanymi suadnosinami popytu i prapanovy.
Ceny pa-raniejšamu vysokija, ale na pieršasnym rynku źjavilisia prapanovy 1-pakajovych kvater pamienšanaj płoščy koštam ad 50 da 55 tysiač dalaraŭ, što jašče hod tamu było niemahčyma ŭjavić.
Niahledziačy na košty, mienčuki nie śpiašajucca kuplać samaje tannaje žytło. Isnuje dumka, što biełarusy siońnia mohuć sabrać dadatkovyja srodki, kab kupić bolš kamfortnuju nieruchomaść. Adsutnaść ilhotnaha kredytavańnia i vysokaja prapanova kvater na rynku ŭraŭnavažvajucca paraŭnalna vysokimi dachodami nasielnictva. U vyniku, ścipłyja «chruščoŭki» lidzirujuć pa źnižeńni koštaŭ z pačatku hoda, a dola ździełak z kvaterami ŭ karkasnych i cahlanych damach, a taksama «stalinkach» vyrasła.
Raźbiežka ŭ koštach na kvatery ŭ novabudoŭlach vialikaja. Kali vyklučyć miescaznachodžańnie abjekta i jaho techničnyja charaktarystyki, to varyjacyja budzie całkam zaležać ad terminu ŭvodu abjekta ŭ ekspłuatacyju. Hatovyja abjekty pradajucca pa cenach druhasnaha rynku, ustupić u dolevaje budaŭnictva na ŭzroŭni katłavana siońnia možna pry cenach $1300—1400 za 1 kv.m.
Naohuł, u kancy leta 2014 h. u Minsku ceny na kvatery praktyčna nie źnižalisia.
Nasupierak vializnaj prapanovie na druhasnym rynku — u 7000 kvater — popyt zastajecca vysokim. Tak, za studzień—žnivień 2014 hoda ŭ siarednim zaklučałasia 870 ździełak kupli-prodažu kvater za miesiac, što źjaŭlajecca davoli vysokim pakazčykam.
Na dumku analitykaŭ, u pieradvybarčy hod, ź jaho dadatkovym finansavańniem ekanomiki, rezkaha źnižeńnia koštaŭ na kvatery ŭ stalicy čakać nie varta. Na vysokija košty budzie ŭpłyvać i inšy važny čyńnik — mihracyjny prytok ŭ stalicu.
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary