Eks-kamandujučy NATA: ZŠA musiać abaranić Ukrainu, kab abaranić siabie
Žorstkija bai za aeraport Daniecka, dzie abaraniajucca ŭkrainskija žaŭniery, stali simvałam pravału sprobaŭ damovicca z rasijskimi bajevikami.
Vyrašeńnie ŭsich samych składanych pytańniaŭ nacyjanalnaj biaśpieki ZŠA ŭ XXI st. zaležyć ad taho, ci dapamohuć Štaty Ukrainie abaranicca ad rasijskaj ahresii, zajaviŭ były viarchoŭny hałoŭnakamandujučy vojskaŭ Arhanizacyi Paŭnočna-atłantyčnaj damovy Ueśli Kłark.
Prezident RF Uładzimir Pucin imkniecca nie tolki źniščyć ci pasłabić ukrainskuju niezaležnaść, jon sprabuje demanstravać ŭsioj Uschodniaj Jeŭropie i śvietu niazdolnaść NATA abaranić svaich partnioraŭ.
«Kali vy pahladzicie na vykliki, jakija stajać pierad ZŠA, nivodny ź ich nie moža być efiektyŭna vyrašany, kali ŭ nas nie budzie pa-sapraŭdnamu ščylnych suviachiaŭ z krainami, jakija najbolš padzialajuć našy kaštoŭnaści… Nam patrebnaja suviaź ź Jeŭropaj, kab dać rady ŭzmacnieńniu Kitaja, kab efiektyŭna harantavać kibierbiaśpieku, stabilizavać finansavuju sistemu», — adznačyŭ 69-hadovy Kłark, jaki ŭ 2004 hodzie razhladaŭsia ŭ jakaści mahčymaha kandydata na pasadu prezidenta krainy ad Demakratyčnaj partyi.
«Kali my zhubim Ukrainu, situacyja ŭ NATA vielmi ciažkaj», - dadaŭ jon padčas dyskusii dypłamatami i analitykami ŭ amerykanskim daśledčym centry Atlantic Council.
Da taho ž dziejańni RF mohuć stać prykładam dla inšych krainaŭ, naprykład, dla Kitaja, u jakoha jość šmat terytaryjalnych pretenzijaŭ da susiedziaŭ, skazaŭ hienierał.
Jon krytykuje palityku prezidenta Abamy za niedastatkovuju rašučaść u dačynieńni da pucinskaj Rasii.
«Pa ŭsioj Uschodniaj Jeŭropie… niedastatkova mocnaja padtrymka Amierykaj Ukrainy stvaryła atmaśfieru niaŭpeŭnienaści i sumnivu», — adznačyŭ Kłark.
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary