U orhany ŭnutranych spraŭ Biełarusi znoŭ pastupili zvaroty ad hramadzian, jakija stali achviarami chakieraŭ, što vymahajuć hrošy pad vyhladam štrafaŭ ad MUS Biełarusi, paviedamili ŭ biełaruskim milicejskim viedamstvie.
«U zaražanych kampjutarach błakujecca braŭzier, a na ekranie manitora źjaŭlajecca patrabavańnie apłacić štraf u pamiery Br1 młn. Tolki za apošnija dziesiać dzion na prapanavany złačyncami elektronny kašalok pieraviedziena paradku Br40 młn», — raspaviali ŭ MUS.
U viedamstvie patłumačyli, što chakiery, vydajučy siabie za pradstaŭnikoŭ MUS, prapanujuć vypłacić štraf za prahlad i kapiravańnie materyjałaŭ, jakija źmiaščajuć elemienty piedafilii, hvałtu i hiej-porna. Dalej pryvodzicca infarmacyja ab tym, što na praciahu sutak paśla vypłaty štrafu «parušalnik» atrymaje kod razbłakoŭki svajho braŭziera.
«MUS Respubliki Biełaruś źviartaje ŭvahu, što padobnyja pasłańni — sprava ruk afierystaŭ, i paddavacca na pravakacyi ab vypłacie tak zvanaha štrafu nie varta. Dla sychodu z błakavanaj veb-staronki treba skarystacca «dyśpietčaram zadač», nabrać kambinacyju Ctr +Alt+Deletie, paśla čaho zakryć prahramu braŭziera», — skazali ŭ ministerstvie.
Kali hrošy złačyncam užo pieraviedzienyja, varta źviarnucca z zajavaj u terytaryjalnyja orhany ŭnutranych spraŭ. Dla chakieraŭ za takija ašukanskija dziejańni praduhledžana pakarańnie až da dziesiaci hadoŭ pazbaŭleńnia voli z kanfiskacyjaj majomaści pa art.209 KK. Akramia taho, za raspracoŭku, vykarystańnie abo raspaŭsiudžvańnie škodnasnych prahram im pahražaje da dvuch hadoŭ pazbaŭleńnia voli pa st.354 KK.
U MUS nahadali, što vypadki raspaŭsiudžvańnia padobnych škodnasnych prahram z anałahičnymi formami niezakonnaha zavałodańnia hrašyma fiksavalisia i raniej. Tady ŭsio złamyśniki byli vyjaŭlenyja i zatrymanyja. Da prykładu, u 2012 hodzie supracoŭniki milicyi zatrymali mahistra techničnych navuk, jaki raspaŭsiudžvaŭ škodnasnaje prahramnaje zabieśpiačeńnie Winlock. Na praciahu niekalkich miesiacaŭ jamu ŭdałosia zarabić niekalki dziesiatkaŭ miljonaŭ biełaruskich rubloŭ za košt davierlivych internet-karystalnikaŭ. U ciapierašni čas jon asudžany i adbyvaje pakarańnie.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary