Słavuty režysior Emir Kusturyca vypuścić dakumientalnuju stužku «Apošni hieroj» pra «El Pepe», prezidenta Uruhvaja Chase Muchiku.
Film «Apošni hieroj» stvarajecca pa matyvach intervju Kusturycy z Muchikam i zakranaje jak palityčnyja pytańni, siarod jakich lehalizacyja marychuany va Uruhvai, tak i asabistaje žyćcio Muchiki dy jaho ŭspaminy pra 14 hadoŭ u vajennych turmach.
Chase Muchika byŭ abrany prezidentam u 2009-m paśla niekalkich hadoŭ na pasadzie ministra sielskaj haspadarki. Svaju palityčnuju karjeru jon pačaŭ u kancy 1960-ch u składzie levaradykalnaha ruchu Tupamaras.
Muchika pravioŭ u turmach sumarna 14 hod, ź jakich dva — na dnie jaminy. Padčas adbyćcia pakarańnia źmianiŭ palityčnyja pohlady ź levaradykalnych na prahmatyčnyja, ale libieralnyja i humanistyčnyja.
Zaraz prezident krainy žyvie za horadam na fiermie, dzie vyroščvaje chryzantemy, a samaja darahaja jaho majomaść — stary «Falksvahien Žuk». Amal uvieś svoj zarobak jon addaje na dabračynnaść. Muchika prosta apranajecca, nie curajecca siadzieć u čarzie ŭ lakarni siarod inšych pacyjentaŭ. Taksama jon viadomy jak viehietaryjaniec i ateist.
Muchiku nazyvajuć «samym biednym» i «samym čałaviečnym» prezidentam. Jon pakinie svoj pasadu 1 sakavika 2015 hoda — pavodle kanstytucyi Uruhvaja, adzin i toj ža čałaviek nie moža abiracca dva razy zapar.
-
Illa Šynkarenka: Prosta pryjšoŭ i skazaŭ baćkam, što ciapier razmaŭlaju na biełaruskaj movie
-
Biełaruskija litaratary siońnia ŭ Dzień rodnaj movy praviaduć dyktoŭki
-
«Ździek z tvora Uładzimira Siamionaviča». Hledačy ŭ šoku ad premjer pa Karatkieviču ŭ RTBD i Homielskim moładzievym teatry, nie ŭsie dasiedžvajuć
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ32
Kamientary