Vizit dyrektara departamienta Rasii, Uschodniaha partniorstva, Centralnaj Azii, rehijanalnaha supracoŭnictva i ABSIE Jeŭrapiejskaj słužby zamiežnych dziejańniaŭ Hunara Vihanda čakajecca ŭ Biełarusi «ŭ samy bližejšy čas». Pra heta paviedamiŭ pres-sakratar MZS Biełarusi Dźmitryj Mirončyk.
Adnak lidar Abjadnanaj hramadzianskaj partyi Anatol Labiedźka z upeŭnienaściu zajaŭlaje, što Vihand užo ŭ Biełarusi.
«Heta ja paćviardžaju jak fakt. Infarmacyja z nadziejnych krynic. Možacie mianie pierapravieryć i nakiravać zapyt u pradstaŭnictva Jeŭrapiejskaj kamisii. Ja dumaju, što jon budzie sustrakacca za začynienymi dźviaryma z pradstaŭnikami ŭłady, i jany, napeŭna, adabrali niejkich najbolš pierśpiektyŭnych i pryvabnych pradstaŭnikoŭ niedziaržaŭnaha siektara», — zajaviŭ Labiedźka.
U svaju čarhu, Dźmitryj Mirončyk paraiŭ sačyć za navinami na sajcie MZS.
«Jak tolki źjavicca niejkaja infarmacyja, my dadzim jaje na sajcie ŭ samyja chutkija terminy», — skazaŭ jon.
U svaju čarhu, u pradstaŭnictvie ES u Biełarusi, vizit Vihanda i nie abvierhli, i nie paćvierdzili: «Dakładnaj infarmacyi ŭ nas ciapier niama».
Kamientary