Rasijski prezident Uładzimir Pucin zajaviŭ, što ŭłady zrobiać usio mahčymaje, kab nie dapuścić padobnych «kalarovym revalucyjam» padziej.
«My bačym, da jakich trahičnych nastupstvaŭ pryviała chvala tak zvanych kalarovych revalucyj, i my zrobim usio dla taho, kab heta nikoli nie zdaryłasia ŭ Rasii», - skazaŭ Pucin, vystupajučy na pasiadžeńni Rady biaśpieki, dzie razhladajecca dziaržaŭnaja kancepcyja procidziejańnia ekstremizmu.
Prezident Rasii taksama pryraŭniaŭ «kalarovyja revalucyi» da ekstremizmu, jaki, pa jaho słovach, vykarystoŭvajecca ŭ sučasnym śviecie jak instrumient hieapalityki i pieradziełu śfier upłyvu.
«My pavinny paśladoŭna, hłyboka i nastojliva zajmacca prafiłaktykaj ekstremizmu, vyniščać navat pieradumovy dla jaho prajavy», - adznačyŭ Pucin.
U pryvatnaści, jon zaklikaŭ uzmacnić kantrol za vykanańniem praviłaŭ znachodžańnia mihrantaŭ, pakolki, na jaho dumku, niezakonnaja mihracyja źjaŭlajecca «pažyŭnym asiarodździem dla złačynnaści, ŭźniknieńnia mižetničnaj napružanaści i prajavaŭ ekstremizmu».
Rasijski lidar taksama zajaviŭ, što zaniepakojeny rostam prapahandy ekstremizmu ŭ internecie.
Ciapier čytajuć
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?1
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary