Novy pakiet sankcyj suprać Rasii zaćvierdziać u hadavinu pačatku vajny
Novy, 20‑y pakiet sankcyj Jeŭrasajuza suprać Rasii płanujuć zaćvierdzić 24 lutaha. Pra heta paviedamiła vysokaja pradstaŭnica ES pa źniešniaj palitycy i biaśpiecy Kaja Kałłas paśla pasiadžeńnia Savieta ES pa zamiežnych spravach 29 studzienia, piša «Jeŭrapiejskaja praŭda».
Kaja Kałas adznačyła, što dziaržavy ‑— členy ES prapanujuć roznyja miery, siarod jakich poŭnaja zabarona na marskija pasłuhi, a taksama sankcyi ŭ śfiery enierhietyki i minieralnych uhnajeńniaŭ. Pry hetym pakul niama kansensusu nakont kančatkovaha źmiestu pakieta.
«Ja nie mahu skazać, što ŭ nas jość zhoda ciapier, inakš my b užo abviaścili, što ŭ nas jość zhoda. Ale siońnia ŭ nas było šmat razmoŭ (pra heta) — i ciapier my praciahvajem pracavać nad hetym», — zajaviła jeŭračynoŭnica.
Na nastupnym tydni Jeŭrakamisija pavinna apublikavać prapanovu pa novym pakiecie sankcyj. Viadomyja płany Francyi zrabić jaho asabliva žorstkim u adnosinach da rasijskaha «cieniavoha fłotu».
Taksama paviedamlajecca, što hrupa jeŭrakamisaraŭ, u skład jakoj uklučana jeŭrakamisarka pa pytańniach pašyreńnia ES Marta Kos, naviedaje Kijeŭ da hadaviny poŭnamaštabnaha ŭvarvańnia Rasii va Ukrainu ŭ lutym.
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki40
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary