Stan režysiora Eldara Razanava, špitalizavanaha ŭ NDI niejrachirurhii imia Burdenki ŭ Maskvie z vostrym parušeńniem mazhavoha krovazvarotu, pahoršyŭsia, da jaho ŭ reanimacyju puskajuć tolki bližejšych svajakoŭ,
paviedamiŭ TASS doktar, znajomy ź situacyjaj.
«Stan Eldara Alaksandraviča spačatku sapraŭdy byŭ stabilnym, ale potym pahoršyŭsia, tamu my adkłali jaho pieravod z reanimacyi ŭ ahulnuju pałatu», — skazaŭ doktar.
Pavodle jaho słoŭ, stan režysiora aceńvajecca jak ciažki. «Svajakoŭ da jaho nie puskajuć, tolki žonku i samych blizkich», - paviedamiŭ jon.
Razanaŭ, jakomu 18 listapada spoŭniłasia 87 hadoŭ, 25 listapada loh u špital dla abśledavańnia. Pa słovach siabroŭ režysiora, jon adčuŭ niedamahańnie i jamu na ŭsialaki vypadak vyklikali doktara, jaki špitalizavaŭjaho na niekalki dzion «dla pierastrachoŭki».
Kamientary