Rasijski pistalet «Stryž», jaki razhladaŭsia ŭ jakaści budučaj asnoŭnaj karotkarulnaj zbroi dla armii RF, pravaliŭ vyprabavańni ŭ Centralnym navukova-daślednickim instytucie dakładnaha mašynabudavańnia.
Pra heta paviedamiŭ dyrektar CNDIDM Dźmitry Siamizoraŭ ahienctvu Interfaks.
Pa słovach Siamizorava, «Stryž» pierastaŭ pracavać litaralna na pieršych etapach vyprabavańniaŭ.
«Pistalet prademanstravaŭ svaju nieadpaviednaść u płanie taho, kab być prapanavanym našym vajennym spažyŭcam», — skazaŭ Siamizoraŭ.
«Stryž» byŭ raspracavany sumiesnaj kampanijaj Arsenal Firearms, štab-kvatera jakoj znachodzicca ŭ RF.
U červieni 2012 hoda vice-premjer RF Dźmitry Rahozin zajaviŭ, što «Stryž» budzie pryniaty na ŭzbrajeńnie rasijskaj armii i pieraŭzychodzić pa charaktarystykach kłasičnyja aŭstryjskija pistalety Glock.
Dźmitry Rahozin ličycca «jastrabam» siarod rasijskich palitykaŭ i nieadnaroza vystupaŭ z hučnymi zajavami pra chutkaje źjaŭleńnie ŭ Rasii najnoŭšych uzbrajeńniaŭ, jakija potym akazvalisia niepraŭdzivymi. Naprykład, hetak atrymałasia sioleta z tankam «Armata».
Kamientary