Znoŭ pačaścilisia vypadki zavyšanaha śpisańnia srodkaŭ z kartak biełarusaŭ padčas zakupaŭ u Polščy
Usie čaściej biełarusy, jakija vyjazdžajuć za miažu na «zakupy», sutykajucca z zavyšanym śpisańniem hrašovych srodkaŭ z kartki. Uapošni čas usplesk padobnych vypadkaŭ nazirajecca ŭ Polščy.
Typovaja karcina vyhladaje nastupnym čynam. Hramadzianin Biełarusi apłočvaŭ tavar u kramie, dzie cana była vystaŭlena ŭ złotych. Pradaviec, vyznačyŭšy pa identyfikataru karty, što jaje rachunak u biełaruskich rublach, zapatrabavaŭ padpisać ček u biełaruskaj valucie. U advarotnym vypadku, pavodle jaho słoŭ, apłata kartaj niemahčymaja. Rublovaja suma była pieraličyna z sumy ŭ złotych pa nie vielmi vyhadnym kursie, i, viarnuŭšysia ŭ RB, pakupnik vyjaŭlaje, što śpisanaja suma była na 8% bolš, čym pakazanaja na čeku.
Jak praviła ŭ takich vypadkach, niezadavolenyja klijenty asabliva nie zazirajuć u kart-ček, na jakim amal zaŭždy budzie prastaŭlena abrevijatura DCC.
DCC — anhłamoŭnaja abrevijatura ad Dynamic Currency Conversion, što ŭ pierakładzie aznačaje «dynamičny abmien valuty». U ramkach DCC pakupniku prapanujecca na miescy kanviertavać sumu pakupki ŭ valutu jaho rachunku — dapuścim, u tyja ž biełaruskija rubli. Sens pasłuhi ŭ tym, što šmat kamu prosta zručna raźličvacca ŭ zvykłaj valucie. Kali pakupnik zhodny, jon padpisvaje ček u biełaruskich rublach. A kali nie zhodny, u jaho zaŭsiody jość mahčymaść zapłacić u miascovaj valucie.
«Nieabchodna praviarać nazvanyja ŭ kart-čeku ŭmovy praviadzieńnia apieracyi da momantu padpisańnia.
Nie padpisvajcie kart-ček, kali vy nie zhodnyja z umovami, i patrabujcie praviadzieńnia apieracyi biez prymianieńnia dynamičnaj kanviersii», - raić biełaruskim pakupnikam načalnik adździeła supravadžeńnia apieracyj z bankaŭskimi kartami ZAT «Alfa-Bank» Ina Niściuk..
Faktyčna łancužok apłaty ŭ ramkach DCC budzie ŭklučać pieršapačatkovuju kanviertacyju valuty ŭ biełaruskija rubli, za jakuju pryjdziecca zapłacić kamisiju. Na hetym etapie vy ŭžo hublajecie hrošy. Zatym zamiežny bank znoŭ skanviertuje sumu tolki ŭ dalary, kab vystavić ich da śpisańnia banku, jaki vydavaŭ kartku. Biełaruski bank atrymlivaje sumu da śpisańnia ŭ dalarach i kanviertuje jaje jašče raz ŭ biełaruskija rubli.
Łancužok kanviertacyi i kamisija za rabotu z hrašyma klijentaŭ časam pryvodzić da značnych materyjalnych strat. Budźcie pilnyja!
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary