Tozik prapanuje zrabić bolš žorstkaj adkaznaść baćkoŭ za chałatnaść u vychavańni dziaciej
Adkaznaść baćkoŭ za chałatnaść ŭ vychavańni dziaciej nieabchodna zrabić bolš žorstkaj, zajaviŭ siońnia žurnalistam namieśnik premjer-ministra Biełarusi Anatol Tozik.
«Na žal, adkaznaść mnohich baćkoŭ za vychavańnie dziaciej asłablenaja. Isnuje mierkavańnie, što vychavańniem pavinna zajmacca škoła, dziaržava. Ale vychoŭvać dziaciej pavinny pierš za ŭsio baćki. Tak, z dapamohaj škoły i dziaržavy. Ja miarkuju, što treba pryniać zakon, jaki b dakładna raźmiažoŭvaŭ paŭnamoctvy i adkaznaść baćkoŭ, škoły i inšych dziaržaŭnych abo hramadskich instytutaŭ za vychavańnie i zachavańnie zdaroŭja dziaciej», — ličyć vice-premjer.
Pavodle jaho słoŭ, taki dakumient moža źjavicca ŭ płanie zakonaprajektnaj dziejnaści na 2015 ci 2016 hod. «U hetym zacikaŭlenyja i Ministerstva achovy zdaroŭja, i Minadukacyi, i inšyja viedamstvy. Usie jany hatovyja pryniać udzieł u raspracoŭcy takoha zakona», — adznačyŭ Anatol Tozik.
Siońnia ŭ Barysavie prajšło vyjaznoje pasiadžeńnie Nacyjanalnaj kamisii pa pravach dziciaci i Pastajannaj kamisii Pałaty pradstaŭnikoŭ pa pravach čałavieka, nacyjanalnych adnosinach i srodkach masavaj infarmacyi. Siarod inšych uzdymałasia pytańnie pra chałatnaść baćkoŭ pry vychavańni dziaciej. Tak, niaredkija vypadki, kali dzieci pa niedahladzie baćkoŭ atrymlivajuć surjoznyja traŭmy abo navat hinuć.
Kamientary