NASA pieradała haječny kluč u kosmas pa elektronnaj pošcie
Astranaŭtu Bary Uiłmaru na Mižnarodnaj kaśmičnaj stancyi spatrebiŭsia haječny kluč. Złamaŭ, zhubiŭ zabyŭ uziać — nie važna, prosta treba. Što rabić NASA? Skinuć pradmiet pa elektronnaj pošcie, piša Wired.
Kalifarnijskaja kampanija Made in Space praznała pra patrebu Uiłmara ŭ tarcovym haječnym klučy ź laščotkaj. Dla 3D-pryntara, što kampanija raniej pastaviła na MKS, chutka byŭ raspracavany makiet kluča patrebnaha pamieru.
Heta pieršy abjekt, «razdrukavany» ŭ kosmasie na patrebu astranaŭta.
Ale heta nie pieršy abjekt, «razdrukavany» ŭ kosmasie. Ź listapada astranaŭty pravodzili testy kaśmičnaha 3D-druku dy razdrukavali 21 abjekt, adzin ź jakich navat byŭ zapčastkaj dla 3D-pryntara. Usie testavyja abjekty astranaŭty viarnuć na Ziamlu. Mahčyma, kluč Uiłmaru dazvolać pakinuć sabie.
3D-pryntary dazvolać astranaŭtam nie čakać patrebnych instrumientaŭ da nastupnaha rejsu ź Ziamli, a prosta zamaŭlać eskizy, atrymlivać ich na elektronnuju poštu i samim na arbicie stvarać nieabchodnyja abjekty.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary