Mimimi masavaha źniščeńnia — «Hrad» i «Urahan» FOTA
Hierojami ŭkrainskaha internetu stali na hetym tydni kacianiaty, padabranyja ukrainskimi marskimi piechacincami ŭ zonie bajavych dziejańniaŭ na ŭschodzie Ukrainy.
Marpiechi nazvali małych «Hrad» i «Urahan» — u honar adnajmiennych rakietnych sistem załpavaha ahniu (RSZA).
«Biarom abodvuch… razam z marpiecham», «kruhavaja abarona, zachoŭvajem adzin adnaho ad vorahaŭ», «bajavaja technika ŭ nadziejnych rukach» — pisali karystalniki sacyjalnych sietak u kamientarach da fota.
Artyleryja, u pryvatnaści RSZA, stała hałoŭnaj zbrojaj jak ukrainskaj armii, hetak i rasijskich bajevikoŭ ź leta 2014 hodu, paśla taho jak asobnyja sutyčki pamiž uzbrojenymi adzinkami pieraraśli ŭ bujnamaštabnuju vajnu. Jak pośpiechi ŭkrainskaj armii, hetak i toje, što ŭkraincy nie zdoleli całkam vyzvalić svaju terytoryju ad bajevikoŭ, tłumačycca ŭ značnaj stupieni suadnosinami ahniavoj mocy artyleryi i jakaściu artyleryjskaj vyviedki abodvuch bakoŭ.
Ukrainski «Urahan» u tradycyjnym vyhladzie.
RSZA 9K51 «Hrad» savieckaj raspracoŭki vystrelvaje za 20 siekund 40 askiepkava-fuhasnych ci kasietnych rakiet 122mm-kalibru na adlehłaść ad 2,5 km da 40 km.
RSZA 9K57 «Urahan», pryniataja na ŭzbrajeńnie ŭ 1975 hodzie, vystrelvaje ŭ 16 kirunkach snaradami kalibru 220 mm, dalnaść stralby ad 8 km da 35 km.
Kamientary