Sud u Maskvie padoŭžyŭ aryšt ukrainskaj lotčycy Nadziei Saŭčanka
U paniadziełak sud u Maskvie pryznaŭ zakonnym padaŭžeńnie aryštu ŭkrainskaj lotčycy Nadziei Saŭčanka.
Sud pakinuŭ pastanovu suda pieršaj instancyi bieź źmienaŭ, a apielacyjnuju skarhu abarony ŭkrainki — biez zadavalnieńnia.
Sama Nadzieja Saŭčanka zajaviła, što abvieścić biesterminovuju haładoŭku, kali sud nie źmienić rašeńnie ab jaje ŭtrymańni pad vartaj.
Pra heta paviedamiŭ deputat Viarchoŭnaj Rady Alaksiej Riabčyn, jaki byŭ na pasiadžeńni ŭ składzie deputackaj delehacyi partyi «Baćkaŭščyna».
«Nadzia abvieścić biesterminovuju haładoŭku, kali nie źmienicca rašeńnia suda. Da vyzvaleńnia, h.zn. da kanca jaje dzion. Hoład — nie mietad suicydu, a mietad baraćby», — napisaŭ Riabčyn u Twitter.
U kastryčniku Basmanny sud Maskvy padoŭžyŭ termin utrymańnia Saŭčanka da kanca terminu śledstva — da 13 lutaha 2015.
U Rasii Nadzieju Saŭčanka, abranuju deputatam Viarchoŭnaj Rady ad partyi «Baćkaŭščyna», abvinavačvajuć u dačynieńni da zabojstva žurnalistaŭ. Lotčyca heta admaŭlaje i śćviardžaje, što jaje vykrali i niezakonna vyvieźli ŭ Rasiju.
Kamientary