Sud Leninskaha rajona Bresta aštrafavaŭ na 40 bazavych vieličyniaŭ (6 młn. rubloŭ) bresckaha žurnalista Alesia Leŭčuka, jaki abvinavačvajecca ŭ niezakonnym vyrabie i raspaŭsiudžvańni pradukcyi ŚMI (pa častcy 2 artykuła 22.9 Kodeksa ab administracyjnych pravaparušeńniach).
Laŭčuk miarkuje, što rašeńnie suda było pryniataje zahadzia. Pra heta jon zajaviŭ u kamientaryi BiełaPAN. «Sudździa nijakija maje vysnovy nie razhladała, vyrazna viała svaju liniju. Ja aznajomiŭsia z materyjałami spravy, tam było jasna napisana: KDB ustanoŭlena, što ja pracuju na telekanał «Biełsat», chacia heta nie było nijak dakazana», — skazaŭ jon.
Pavodle słoŭ žurnalista, na sudzie byŭ razhledžany adkaz ź Ministerstva zamiežnych spraŭ, u jakim havorycca, što ŭ Leŭčuka niama akredytacyi ŭ jakaści zamiežnaha žurnalista. Sam žurnalist pakazaŭ u sudzie piśmovaje paćviardžeńnie, što jon źjaŭlajecca pazaštatnym karespandentam BiełaPAN, a taksama redakcyjnaje paśviedčańnie, adnak «heta navat nie razhladałasia».
«Kali ja ŭbačyŭ, što heta cyrk i nichto nie źbirajecca razhladać spravu, ja admoviŭsia davać pakazańni i adkazvać na pytańni», — skazaŭ žurnalist.
Jon maje namier abskardzić rašeńnie ŭ abłasnym sudzie.
Nahadajem, heta ŭžo 14-je rašeńnie, pryniataje sioleta ŭ dačynieńni da žurnalistaŭ pa č. 2 art. 22.9 KoAP.
Ciapier čytajuć
Zahinuŭ biełaruski dobraachvotnik Vasil «Dzir» Rapicki2
Kamientary