Dźmitry Piaskoŭ nazvaŭ pastaŭki Rasijaj Ukrainie vuhalu i elektraenierhii bieź pieradapłaty demanstracyjaj «dobraj voli prezidenta Uładzimira Pucina dla akazańnia realnaj padtrymki ŭkrainskaha narodu».
«Prezident Pucin, niahledziačy ni na što, jak jon sam nieadnarazova zajaŭlaŭ, u samyja ciažkija momanty nikoli nie admaŭlajecca ad svajoj paśladoŭnaj linii na padtrymku naroda Ukrainy i akazańnie nie evientualnoj, a realnaj dapamohi ŭ ciažkija časy, i sapraŭdy, napiaredadni z ulikam krytyčnaj situacyi z enierhazabieśpiačeńniem, Pucinym było pryniata rašeńnie ab pačatku hetych pastavak niahledziačy na adsutnaść pieradapłaty, što źjaŭlajecca umovaj dla ich ažyćciaŭleńnia», — skazaŭ Piaskoŭ.
Raniej u efiry telekanała «Rasija-24» ab rašeńni pačać pastaŭki vuhalu paviedamiŭ vice-premjer urada Rasii Dźmitryj Kozak.
«500 tys. t vuhalu my budziem pastaŭlać z Rasii, i, mahčyma, kali budzie dasiahnuta adpaviednaje dadatkovaje pahadnieńnie, to jašče dadatkova 500 tys. t. Heta značyć, u cełym da 1 młn t vuhalu ŭ miesiac my hatovyja pastaŭlać va Ukrainu, kab źniać enierhietyčnyja prablemy, jakija ŭźnikajuć u krainie», — skazaŭ jon.
Pa słovach vice-premjera, rašeńnie ab pastaŭkach rasijskaha vuhalu pryniata pa prośbie ŭkrainskaha kiraŭnictva. Enierhanośbity buduć pastaŭlacca na Ukrainu na lhotnych umovach — pa ŭnutranych rasijskich cenach.
Kozak vykazaŭ nadzieju, što hetyja pastaŭki dapamohuć vyrašyć prablemy enierhazabieśpiačeńnia Kryma.
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m29
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1212
Kamientary