Kažany, chutčej za ŭsio, stali pryčynaj ŭspyški epidemii Eboła
Virus pieradaŭsia ad žyvioły čałavieku padčas hulniaŭ dvuchhadovaha chłopčyka z kažanami ŭ duple dreva.
Da takoj vysnovy pryjšli daśledčyki z navukovaha časopisa EMBO Molecular Medicine, paviedamlaje Los Angeles Times.
Žychary hviniejskaj vioski Mielindu (Meliandou), dzie ŭpieršyniu była zafiksavanaja ŭspyška virusa, paćvierdzili, što dvuchhadovy chłopčyk, jaki zaraziŭsia virusam pieršym, dy inšyja dzieci, lubili hulacca z kažanami ŭ duple dreva.
«Kali my prybyli, dreva było całkam spalenaje, zastaŭsia tolki pień i halinki na ziamli. Žychary vioski paviedamili, što jaho spalili 24 sakavika 2014 hoda, i jak tolki jano zaharełasia, pačaŭsia» doždž z kažanoŭ». Miascovyja nazyvajuć ich łalibieła (lolibelo), heta nievialiki vid z doŭhim chvastom», — piša Fabijan Linderc, daśledčyk ź niamieckaha instytuta Robierta Kocha.
Kažany mohuć źjaŭlacca pieranosčykami virusa Eboła, pry hetym sami nie chvarejuć. Akramia kažanoŭ Ebołu mohuć pieranosić šympanze i antyłopy.
Ŭspyška lichamanki Eboła była zafiksavana ŭ Zachodniaj Afrycy ŭ siaredzinie 2014 hoda. Amierykanski časopis Time nazvaŭ «ludźmi 2014 hoda» daktaroŭ, jakija zmahajucca z epidemijaj virusa Eboła.
Pavodzie SAAZ, achviarami epidemii stali 7905 čałaviek.
Ciapier čytajuć
Ejsmant: Statkieviča pamiłavali ŭžo paŭhoda nazad, ale tady jon viarnuŭsia ŭ turmu30
Kamientary