Raśsielhasnahlad maje namier uzmacnić manitorynh pradukcyi biełaruskaj ptuškahadoŭli, što pastupaje ŭ Rasiju, na biaśpieku.
Padstavaj dla hetaha stała infarmacyja, abnarodavanaja na biełaruskim sajcie dziaržaŭnych zakupak icetrade.by. Tam, u pryvatnaści, «publikujucca tendary na zakupku vielmi vialikich kolkaściej antybijotykaŭ dla ptuškahadoŭčych haspadarak», paviedamlaje pres-słužba rasijskaha viedamstva. U suviazi sa źjaŭleńniem takoj infarmacyi Raśsielhasnahlad maje namier źviarnucca da dziaržaŭnaj vieterynarnaj słužby Biełarusi z prośbaj prajaśnić situacyju.
Jak paviedamlałasia raniej, 28 śniežnia kiraŭnik Raśsielhasnahladu Siarhiej Dankviert pravioŭ naradu, na jakoj u tym liku było zajaŭlena, što vieterynarnaja słužba Biełarusi nie prymaje mier pa ŭstaranieńni pryčyn pastavak u RF niebiaśpiečnaj pradukcyi.
«Kampietentnymi orhanami Biełarusi nie pravodzicca svoječasovaja aktualizacyja narmatyŭna-pravavych aktaŭ u halinie vieterynaryi i charčovaj biaśpieki», — paviedamiła pa vynikach narady pres-słužba Raśsielhasnahladu.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj89
Kamientary