Słoŭnik sučasnaha ŭkrainskaha movy i słenhu «Misłovo» pryznaŭ «kibarhaŭ» słovam 2014 hoda.
Słova, jakoje atrymała svajo novaje značeńnie ŭ vieraśni 2014 hoda, chutka padchapili karystalniki sacsietak, a ŭśled za imi i ŚMI i palityki. Prezident Ukrainy Piatro Parašenka navat vykarystaŭ słova «kibarhi» ŭ svaim navahodnim zvarocie.
Charakterna, što słova «kibarh» u značeńni «abaroncy Danieckaha aeraporta» padaryŭ ŭkrainskaj movie ŭ vieraśni 2014 prarasijski bajavik. Tady jon sprabavaŭ rastłumačyć, čamu pieradavyja atrady prarasijskich vojskaŭ u poŭnym uzbrajeńni nie mohuć uziać Daniecki aeraport, jaki abaraniaje niekalki dziasiatkaŭ ŭkrainskich vajennych sa strałkovaj zbrojaj.
Słova «kibarh» źjaŭlajecca ledź ci nie adzinym siarod najbolš važnych słoŭ u minułym hodzie, jakoje maje stanoŭčaje značeńnie. Siarod znakavych pazityŭnych słoŭ možna nazvać jašče dva: «vałancior» i «dobraachvotnik».
Inšyja słovy, jakija apisvali 2014 hod, takija jak «anieksija», «vajna», «ATA» ci «vatniki», majuć jarka vyražanaje niehatyŭnaje adcieńnie.
Słoŭnik «Misłovo» vybiraje słova hoda druhi raz. U minułym hodzie słovam hoda było nazvana «Jeŭramajdan».
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva65
Kamientary