Samyja darahija krainy śvietu pa košcie žyćcia — Šviejcaryja, Narviehija i Vieniesueła. U toj čas jak tańniejšaje za ŭsio pražyvańnie ŭ Indyi, Niepale i Pakistanie. Takuju infarmacyju sabrała Numbeo — adna z najbujniejšych baz dadzienych, źviestki ab vydatkach i cenach dla jakoj źbirajuć karystalniki ŭsiaho śvietu.
Indeks spažyvieckich koštaŭ — pakazčyk, jaki ŭličvaje košt charčovych tavaraŭ, transpartu, restaranaŭ i kamunalnych pasłuh, kožnaja z hetych pazicyj u svaju čarhu ŭtrymlivaje šerah pieramiennych. Košt praduktaŭ, naprykład, składajecca z cany na miasa, chleb, rys, jajki, sadavinu, harodninu i ałkahol. Košt transpartu ŭklučaje ŭ siabie kvitki ŭ adnym kirunku, miesiačnyja prajaznyja, taksi, ceny na bienzin, a taksama ceny na Volkswagen Golf. Vydatki na restaran składajucca z cenaŭ na charčavańnie ŭ darahich, siarednich i niedarahich restaranach, a taksama cen na kavu, śpirt i vadu ŭ restaranach. Vydatki na kamunalnyja pasłuhi vyznačajucca pa cenach na elektraenierhiju, aciapleńnie, vodazabieśpiačeńnie i internet.
Partał Movehub sabraŭ hetuju infarmacyju ŭ infahrafiku, jakaja pakazvaje roźnicu ŭ košcie žyćcia pa ŭsim śviecie, abapirajučysia na ličby najbujniejšaj u śviecie bazy dadzienych ab haradach i krainach pa ŭsim śviecie.
Indeks spažyvieckich cen u infahrafiku — heta adnosny pakazčyk koštu žyćcia krainy ŭ paraŭnańni ź Ńju-Jorkam. Tak, naprykład, kali kraina maje ISC 70, to košt žyćcia ŭ joj u siarednim na 30% tańniej u paraŭnańni ź Ńju-Jorkam.
Biełaruś u hetym rejtynhu znachodzicca roŭna pasiaredzinie ź indeksam 50,2. U krainach-susiedkach, pavodle dadzienych Numbeo, tańniej, čym u našaj krainie, abyjdziecca pražyvańnie ŭ Polščy (45,11) i Ukrainie (41,29), daražej — u Rasii (61,91), Łatvii (55,94) i Litvie (52,76).
Samymi darahimi dla pražyvańnia krainami ŭ śviecie, pavodle rejtynhu, stali Šviejcaryja, Narviehija, Vieniesueła, Isłandyja, Danija, Aŭstralija, Novaja Ziełandyja, Sinhapur, Kuviejt, Vialikabrytanija. U dziasiatku krain z samymi nizkimi pakazčykami akramia Indyi, Niepała i Pakistana ŭvajšli taksama Tunis, Ałžyr, Małdova, Jehipiet, Makiedonija, Siryja, Kałumbija.
An interesting map from MoveHub reveals living costs around the world.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary