Самыя дарагія краіны свету па кошце жыцця — Швейцарыя, Нарвегія і Венесуэла. У той час як таннейшае за ўсё пражыванне ў Індыі, Непале і Пакістане. Такую інфармацыю сабрала Numbeo — адна з найбуйнейшых баз дадзеных, звесткі аб выдатках і цэнах для якой збіраюць карыстальнікі ўсяго свету.
Індэкс спажывецкіх коштаў — паказчык, які ўлічвае кошт харчовых тавараў, транспарту, рэстаранаў і камунальных паслуг, кожная з гэтых пазіцый у сваю чаргу ўтрымлівае шэраг пераменных. Кошт прадуктаў, напрыклад, складаецца з цаны на мяса, хлеб, рыс, яйкі, садавіну, гародніну і алкаголь. Кошт транспарту ўключае ў сябе квіткі ў адным кірунку, месячныя праязныя, таксі, цэны на бензін, а таксама цэны на Volkswagen Golf. Выдаткі на рэстаран складаюцца з цэнаў на харчаванне ў дарагіх, сярэдніх і недарагіх рэстаранах, а таксама цэн на каву, спірт і ваду ў рэстаранах. Выдаткі на камунальныя паслугі вызначаюцца па цэнах на электраэнергію, ацяпленне, водазабеспячэнне і інтэрнэт.
Партал Movehub сабраў гэтую інфармацыю ў інфаграфіку, якая паказвае розніцу ў кошце жыцця па ўсім свеце, абапіраючыся на лічбы найбуйнейшай у свеце базы дадзеных аб гарадах і краінах па ўсім свеце.
Індэкс спажывецкіх цэн у інфаграфіку — гэта адносны паказчык кошту жыцця краіны ў параўнанні з Нью-Ёркам. Так, напрыклад, калі краіна мае ІСЦ 70, то кошт жыцця ў ёй у сярэднім на 30% танней у параўнанні з Нью-Ёркам.
Беларусь у гэтым рэйтынгу знаходзіцца роўна пасярэдзіне з індэксам 50,2. У краінах-суседках, паводле дадзеных Numbeo, танней, чым у нашай краіне, абыйдзецца пражыванне ў Польшчы (45,11) і Украіне (41,29), даражэй — у Расіі (61,91), Латвіі (55,94) і Літве (52,76).
Самымі дарагімі для пражывання краінамі ў свеце, паводле рэйтынгу, сталі Швейцарыя, Нарвегія, Венесуэла, Ісландыя, Данія, Аўстралія, Новая Зеландыя, Сінгапур, Кувейт, Вялікабрытанія. У дзясятку краін з самымі нізкімі паказчыкамі акрамя Індыі, Непала і Пакістана ўвайшлі таксама Туніс, Алжыр, Малдова, Егіпет, Македонія, Сірыя, Калумбія.
An interesting map from MoveHub reveals living costs around the world.
Каментары