Šviedskaja kampanija impłantavała svaim supracoŭnikam mikračypy
U Šviecyi kampanija, jakaja raźmiaščajecca ŭ vysokatechnałahičnym ofisie Epicenter, užyviła svaim supracoŭnikam mikračypy.

«Ludziam, jakija pracujuć u Epicenter, prosta treba patrymać ruku la dźviarej, kab uvajści. Jany taksama mohuć uzmacham ruki kiravać kapiravalnaj mašynaj… Z časam jany taksama zmohuć zapłacić za kavu i buterbrody ŭ kaviarni dotykam ruki», — piša The Telegraph.
Ludziam užyvili maleńki čyp RFID (radio-frequency identification) pamieram z rysavaje ziernie, raspracavany šviedskaj kampanijaj pa bijatechnałohijach. U dzień aficyjnaha adkryćcia ofisnaha centra vykanaŭčy dyrektar kampanii taksama impłantavaŭ sabie taki čyp.
«Ciapierašniaja rečaisnaść zanadta chaatyčnaja — treba pamiatać usie pin-kody i paroli. Ci nie praściej było b prosta dakranucca rukoj? Heta całkam naturalna», — padkreśliŭ adzin z supracoŭnikaŭ kampanii Chanes Sjobład.
Supracoŭniki staviacca da takoha novaŭviadzieńnia pa-roznamu: niekatoryja čakajuć čarhi, kab atrymać mikračyp, inšyja kateharyčna admaŭlajucca heta rabić.
Kamientary