Tramvajny ruch u Minsku pa vuł. Uljanaŭskaj i Babrujskaj zakryvajecca z 1 lutaha
U Minsku na pieryjad vykanańnia rabot pa pieranosie inžyniernych sietak u suviazi z budaŭnictvam 3-j linii mietrapalitena i zakryćciom tramvajnaha ruchu pa vuł. Uljanaŭskaj i Babrujskaj z 1 lutaha 2015 h. da zakančeńnia rabot (prykładna da 10 červienia 2015) admianiajecca praca tramvajnych maršrutaŭ №№ 1, 2, 4, 7.
Pra heta paviedamili ŭ dziaržaŭnaj ustanovie «Staličny transpart i suviaź».
U metach kampiensacyi źniataha tramvajnaha ruchu arhanizujecca rabota časovaha aŭtobusnaha maršrutu №901 «DS Družnaja - Z. Biaduli» z rucham pa vuł. Tałstoha, pł. Miaśnikova, vuł. Babrujskaj, Uljanaŭskaj, Pieršamajskaj, Z. Biaduli ŭ pramym kirunku, pa vuł. Z. Biaduli, Kazłova, Płatonava, Čapajeva, Pieršamajskaj, Uljanaŭskaj, Babrujskaj, Tałstoha — u zvarotnym kirunku. Intervały ruchu aŭtobusa ŭ hadziny pik składuć 3-4 chviliny, u mižpikavy čas i pa vychadnych dniach — 6-7 chvilin.
Adnačasova praduhledžana istotnaje pavieličeńnie kolkaści ruchomaha sastavu na tramvajnych maršrutach №№ 3, 6, 11. Tramvajny maršrut №11 časova pieravodzicca na paŭnadzionny i štodzionny režym pracy. Ździejśnić pierasadku na tramvai №№ 3, 6 možna na prypynačnych punktach «Z. Biaduli», «Bieraścianskaja», «Płatonava».
Va ustanovie «Staličny transpart i suviaź» źviartajuć uvahu, što pasažyram treba ŭličvać dadzienuju infarmacyju pry płanavańni nabyćcia prajaznych biletaŭ.
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy16
Kamientary