U Brasłaŭskim rajonie 80‑hadovaja staraja prymusiła reciravacca ź miesca złačynstva dvuch 20‑hadovych złačyncaŭ.
U Brasłaŭskim rajonie 80‑hadovaja staraja prymusiła reciravacca ź miesca złačynstva dvuch 20‑hadovych złačyncaŭ, raskazali ŭ adździalenni hramadskich suviaziaŭ i infarmacyi UUS Viciebskaha abłvykankama.
Dvoje hrabiežnikaŭ uvarvalisia ŭ niezačynieny dom adzinokaj piensijanierki, spadziejučysia znajsci schavanyja joju hrošy. Adnak źviazać svaju achviaru i zakryć joj rot, jak praduhledžvaŭ zładziejski płan, nie ŭdałosia. Zaciataje supraciŭleńnie žančyny razam z hučnym krykam zrabili svaju spravu: svoječasova padaśpieli susiedzi, a złačyncy ŭciakli ź miesca złačynstva.
Ustanavić ich asoby ŭdałosia davoli chutka, i ciapier suprać ich uzbudžana kryminalnaja sprava. Supracoŭniki milicyi ŭsio ž papiaredžvajuć, što adzinokim ludziam stałaha ŭzrostu varta być asabliva pradbačlivymi, nie raskazvać ab svaich źbieražeńniach čužym ludziam i začyniać dźviery.
Kamientary