Patrebna ž u 6 razoŭ bolš.
«Kali mienavita hety post da zaŭtrašniaha subotniaha viečara nabiare 2000 łajkaŭ, to viadomy mnie čałaviek adpravić na rachunak Kniharni Łohvinava $2000», — napisaŭ na minułym tydni ŭ Fejsbuku Alaksiej Lavončyk. U vyniku kolkaść łajkaŭ pieravaliła za 3400.
Jak paviedamiŭ były ŭłaśnik kniharni «łohvinaŬ» Ihar Łohvinaŭ, toj dabradziej pieraličyŭ na rachunak 2000 dalaraŭ.
Pa słovach Ihara, užo 243 čałavieki padtrymali kniharniu rublom. Ahulnaja suma sabranych hrošaj składaje 10 tysiač dalaraŭ. Sabrać ža treba $62 tysiačy. Na heta jość try tydni.
Kab niejak adździačyć, na stoli kniharni viešajuć zorački ź imionami dabradziejaŭ (chto pahadziŭsia afišavać svajo imia). Takaja akcyja «Nie zahasnuć zorki ŭ niebie». Tam užo źjavilisia 200 zorak.
Ekanamičny sud Minska pryniaŭ rašeńnie aštrafavać kniharniu «łohvinaŬ» na 30 bazavych vieličyń (5 młn 400 tys. rubloŭ), a taksama kanfiskavać vyručku z abarotu na sumu 961 młn 251 tys. 353 rubli. Padstavaj dla suda stała padatkovaja pravierka ŭ śniežni 2014. Kniharnia pracavała bieź licenzii Ministerstva infarmacyi. Pa jaje źviartalisia šeść razoŭ, ale stolki ž i admaŭlali pa roznych pryčynach.
Ciapier kniharnia praciahvaje pracu, jana zarehistravana na novuju jurydyčnuju asobu i atrymała licenziju ministerstva.
Achviaravańni na ŭratavańnie kniharni «łohvinaŬ» možna zrabić dvuma sposabami.
1) Prynieści hrošy (tolki ŭ biełaruskich rublach) u kniharniu (Minsk, pr-t Niezaležnasi, 37a). Źviarnucca treba da pradaŭca, a pry sabie mieć pašpart.
2) Dasłać na litoŭski rachunak Litaraturnaha doma «Łohvinaŭ» (praź internet-bankinh albo praź sistemu PayPal) u dalarach i jeŭra:
LT052140030003236738
Logvino literaturos namai
Nordea Bankas, Bank code 21400
Swift code NDEALT2X
Ciapier čytajuć
Zahinuŭ biełaruski dobraachvotnik Vasil «Dzir» Rapicki10
Kamientary