Na sajcie Śledčaha kamiteta Respubliki Biełaruś źjaviłasia infarmacyja ab zakančeńni rasśledavańnia kryminalnaj spravy ŭ dačynieńni da hramadzianina Biełarusi, jaki ŭ pieryjad z 2005 pa 2012 zajmaŭsia niezakonnaj rekłamnaj dziejnaściu ŭ internecie.
Paviedamlajecca, što mužčyna 1981 hoda naradžeńnia pry dapamozie raźmiaščeńnia na sajtach baneraŭ i hipierspasyłak rekłamavaŭ roznaha rodu tavary i pasłuhi. Šerah spasyłak vioŭ na materyjały parnahrafičnaha źmiestu.
Śledčyja vyśvietlili, što mužčyna i jaho kampańjony zmahli zarabić takim sposabam bolš za $700 tysiač. U padatkovuju inśpiekcyju ab svaich dachodach jany nie paviedamlali. Dla atrymańnia hrašovych srodkaŭ ad svajho biźniesu abvinavačvany vykarystaŭ zamiežnyja apłatnyja sistemy, heta i ŭskładniała vyjaŭleńnie jaho dziejnaści padatkovymi i pravaachoŭnymi orhanami.
Ciapier mužčynu pradjaŭlenaje abvinavačvańnie pa č.3 art. 233 (Niezakonnaja pradprymalnickaja dziejnaść) i č.2 art. 343 (Raspaŭsiud parnahrafičnych materyjałaŭ) Kryminalnaha kodeksa Respubliki Biełaruś.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?7
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary