Vizavy režym ES ź Biełaruśsiu budzie spraščacca. Upeŭnienaść u hetym vykazaŭ Nadzvyčajny i Paŭnamocny Pasoł Litoŭskaj Respubliki ŭ Respublicy Biełaruś Evaldas Ihnatavičus 5 lutaha na cyrymonii adkryćcia servisnych vizavych centraŭ Litvy ŭ Biełarusi.
«My bačym vizy jak mahčymaść novych kantaktaŭ i kantraktaŭ dla biźniesu i kultury, prostych žycharoŭ krainy», - skazaŭ kiraŭnik litoŭskaj dypmisii. Na jaho dumku, 4 centry, jakija adkrylisia ŭ Minsku, Breście, Hrodnie i Homieli, pašyrać nie tolki biźnies-suviazi pamiž dziaržavami, kulturnaje supracoŭnictva, ale i ŭ mnohim buduć sadziejničać umacavańniu rehijanalnych kantaktaŭ. «Dumaju, treba hety ruch zaachvočvać. I, na maju dumku, my robim pravilnyja zachady», — padkreśliŭ Evaldas Ihnatavičus.
Jon adznačyŭ, što pa vynikach minułaha hoda nazirajecca piacipracentny rost kolkaści vydadzienych viz, a taksama 20-pracentnaje pavieličeńnie turystyčnych pajezdak biełarusaŭ u Litvu. «Biełarusy źjaŭlajucca čempijonami šenhiena pa pajezdkach», — ličyć dypłamat. Pavodle jaho słoŭ, treba rychtavacca da novych mahčymaściej, udakładniŭšy, što maje na ŭvazie libieralizacyju vizavaha režymu, a taksama majučaje adbycca ŭviadzieńnie bijamietryčnych viz pasolstvam Litvy ŭ Biełarusi.
Pasoł taksama padkreśliŭ, što sa stvareńniem servisnych vizavych centraŭ źnikli čerhi na vydaču viz pasolstvam Litvy, a taksama prablemy chakierstva. «Dumaju, novaja sistema budzie prazrystaj i efiektyŭnaj», — dadaŭ jon. U razmovie z žurnalistami dypłamat adznačyŭ, što litoŭskaje pasolstva ŭ mnohich vypadkach pastupova pavialičvaje kolkaść vydavajemych hadavych i dvuchhadovych viz.
Na cyrymonii adkryćcia vystupiŭ taksama pradstaŭnik konsulskaha departamienta MZS Litvy, jaki raskazaŭ, što ciapier dziejničaje 40 takich vizavych centraŭ u 9 krainach śvietu. Pakolki ich stvareńnie dało mahčymaść udaskanalić sistemu vydačy viz, litoŭski bok pašyraje takuju praktyku.
Servisnyja vizavyja centry Litvy ŭ Biełarusi pracujuć z 9 da 17 hadzin z paniadziełka pa piatnicu. Standarty raboty centraŭ va ŭsich haradach adnolkavyja. Razam z tym rašeńnie ab vydačy abo niavydačy viz prymaje tolki konsulskaja słužba pasolstva Litvy ŭ Biełarusi, a nie rabotniki vizavaha centra.
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać3
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary