Rašeńni prezidenta Rasii Uładzimira Pucina pryviali da taho, što śviet źmianiŭsia i siońnia vyhladaje inšym, jak dva hady tamu, zajaviŭ vice-prezident ZŠA Džozef Bajden ŭ Miunchienie na kanfierencyi pa biaśpiecy.
«Rasija pasprabavała raskałoć Ukrainu na ŭschodniuju i zachodniuju častki», — ličyć Bajden.
Amierykanski vice-prezident zajaviŭ, što ZŠA buduć nadalej akazvać Ukrainie vajennuju dapamohu nie dla taho, kab spryjać vajnie, a dla taho, kab dapamahčy joj abaranić siabie. «Rasija pavinna zrazumieć, što kali jana praciahnie iści ciapierašnim kursam, Zachad praciahnie prymušać jaje płacić pa rachunkach», — skazaŭ Bajden, pieradaje Reuters.
«Dazvolcie vykazacca jasna. My nie vierym, što va Ukrainie isnuje vajennaje rašeńnie. Dazvolcie mnie vykazacca hetak ža jasna — my nie vierym, što ŭ Rasii jość prava rabić toje, što jana robić», — zajaviŭ Bajden.
Maskva, pa słovach Bajdena, u siłach paŭpłyvać na toje, kab kanflikt va Ukrainie byŭ vyrašany mirnym šlacham.
«Kali Rasija nie źmienić palityku pa ŭkrainskim pytańni, jana ryzykuje apynucca ŭ samaizalacyi», — zajaviŭ Džo Bajden.
Pry hetym Bajden zajaviŭ, što metaj dla ZŠA nie źjaŭlajecca padryŭ abo pasłableńnie ekanomiki Rasii.
Pra Ukrainu Bajden skazaŭ: «Ad Lvova da Charkava ŭkraincy adzinyja».
«Mienskija damoŭlenaści — dobraja asnova dla mirnaha vyrašeńnia kanfliktu.
Apošniaja sproba ŭrehulavać kanflikt va Ukrainie varty śvieč», — adznačyŭ vice-prezident ZŠA ŭ svaim miunchienskim vystupie.
Pavodle słovaŭ Bajdena, ZŠA ličać, što ciapier nieabchodna zasiarodzić namahańni na ŭmacavańni NATA i patencyjału aljansu ŭnutry Jeŭropy.
Jon zaklikaŭ krainy-členy NATA pavialičyć abaronnyja biudžety.
«NATA — nie taja arhanizacyja, jakaja finansuje sama siabie. Spytajcie maich vybarščykaŭ, chto pavinien finansavać aljans. Spytajcie maich kalehaŭ u Sienacie. Kožnaja kraina pavinna ŭnieści svoj układ — dva pracenty VUP — u abaronny biudžet».
Bajden dadaŭ, što niahledziačy na ŭsio, ZŠA spadziajucca, što Rasija adnojčy budzie intehravanaja ŭ suśvietnuju ekanomiku. «Usie my inviestavali ŭ takuju Rasiju, jakaja, jak my spadziavalisia i ŭsio jašče spadziajemsia, adnojčy źjavicca, — u Rasiju, intehravanuju ŭ suśvietnuju ekanomiku, bolš paśpiachovuju, bolš inviestavać u mižnarodnym paradku», — nahadaŭ Bajden.
Bajden taksama skazaŭ, što namahańni Rasii pa ŭrehulavańni ŭkrainskaha kryzisu treba aceńvać pa jaje dziejańniam, a nie pa padpisanych papierach.
«Nie raspaviadajcie nam, lepš prademanstrujcie svaje namiery», — padkreśliŭ jon.
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary