Pastaŭki mohuć pačacca z nastupnaha hodu.
Biełaruś u budučym, vierahodna, zakupić rasijskuju zienitnuju rakietnuju sistemu S‑400 «Tryumf». Takuju infarmacyju raspaŭsiudzili aficyjnyja krynicy sa spasyłkaj na staršyniu Dziaržaŭnaha vajenna‑pramysłovaha kamiteta Mikałaja Azamatava.
Pavodle jaho słoŭ, cikavaść Uzbrojenych sił Biełarusi da S‑400 vyklikana vynikami vyprabavańniaŭ sistemy, pryniaćciem jaje na ŭzbrajeńnie i pastanoŭkaj na bajavoje dziažurstva ŭ vojski supraćpavietranaj abarony Rasii. Taksama ŭličvajucca značna ŭzrosłyja taktyka‑techničnyja charaktarystyki S‑400 u paraŭnańni z S‑300.
«Pavodle infarmacyi rasijskaha boku, nie vyklučana, što pastaŭki S‑400 na ekspart mohuć pačacca ŭžo z 2009 hoda, — cytujuć M.Azamatava aficyjnyja krynicy. — Pa krajniaj miery, kiraŭnictva NVA «Ałmaz» nie admaŭlaje mahčymaści praviadzieńnia adpaviednych pieramoŭ ab pastaŭkach hetaj sistemy na ekspart».
Zienitnaja rakietnaja sistema S‑400 ciapier prachodzić va Uzbrojenych siłach RF doślednuju ekspłuatacyju. Pavodle jaje vynikaŭ buduć likvidavanyja vyjaŭlenyja niedachopy, praviedzieny nieabchodnyja dapracoŭki materyjalnaj častki sistemy i dakumientacyi. Doślednaja ekspłuatacyja budzie doŭžycca dva hady, i tolki paśla hetaha rasijskaja pramysłovaść pačnie asnaščać sieryjnymi ŭzorami S‑400 najpierš ułasnyja vojski SPA.
Kamientary