Vice-ministr finansaŭ Polščy Artur Radzivił pryznačany ŭpaŭnavažanym polskaha ŭradu pa padtrymcy reformaŭ va Ukrainie.
Pra heta abviaściŭ polski ministr finansaŭ Mateuš Ščurek, paviedamiła 6 lutaha «Polskaje radyjo».
Ščurek raspavioŭ, što zadačaj ŭpaŭnavažanaha budzie padtrymka ŭsich dziejańniaŭ Polščy, jakija nakiravanyja na refarmavańnie ŭkrainskaj ekanomiki i pahłybleńnie supracoŭnictva Polščy z Ukrainaj.
U svaju čarhu Radzivił padkreśliŭ, što ekanamičnaja situacyja va Ukrainie pastajanna paharšajecca. Jon dadaŭ, što vopyt Polščy ŭ praviadzieńni reformaŭ moža stać karysnym dla Kijeva.
Radzivił adznačyŭ, što sumiesna z ukrainskaj uładaj jon budzie vyrašać, jak lepš za ŭsio vykarystoŭvać polski kredyt. Raniej paviedamlałasia, što Polšča vydzielaje Ukrainie kredyt na 100 młn jeŭra.
Dziaržaŭny sakratar ZŠA Džon Kiery padčas vizitu ŭ Kijeŭ taksama paabiacaŭ pradastaŭleńnie Ukrainie ad ZŠA dadatkova 1 młrd dalaraŭ kredytnych harantyj.
«My hatovyja razhledzieć jašče adnu harantyju pazyki sioleta na adzin miljard dalaraŭ, kali reformy buduć praciahvacca», — adznačyŭ Kiery na sumiesnaj pres-kanfierencyi z premjeram Ukrainy Jacaniukom ŭ Kijevie 5 lutaha.
Kamientary