Mienski haradzki sud vynies prysud pa spravie byłoha namieśnika redaktara hazety «Zhoda» Alaksandra Źdźvižkova. Jon atrymaŭ try hady źniavoleńnia ŭ kalonii uzmocnienaha režymu za pieradruk dackich karykaturaŭ na praroka Muchameda. Tyja karykatury byli pieradrukavanyja ŭ 143 vydańniach 56 krainaŭ, u tym liku isłamskich, i nidzie žurnalisty nia trapili za toje ŭ turmu.
Mienski haradzki sud vynies prysud pa spravie byłoha namieśnika redaktara hazety «Zhoda» Alaksandra Źdźvižkova. Jon atrymaŭ try hady źniavoleńnia ŭ kalonii uzmocnienaha režymu za pieradruk dackich karykaturaŭ na praroka Muchameda. Tyja karykatury byli pieradrukavanyja ŭ 143 vydańniach 56 krainaŭ, u tym liku isłamskich, i nidzie žurnalisty nia trapili za toje ŭ turmu.
Mienski haradzki sud vynies prysud pa spravaje byłoha namieśnika hałoŭnaha redaktara hazety «Zhoda» Alaksandra Źdźvižkova. Jon pryznany vinavatym u parušeńni artykułu 130 č 2. KK «Raspalvańnie relihijnaj varažniečy» za pieradruk karykatur na praroka Muchameda i asudžany da troch hadoŭ źniavoleńnia z adbyvańniem pakarańnia ŭ kalonii uzmocnienaha režymu.
Kryminalnaja sprava suprać Źdźvižkova i hazety «Zhoda» była zaviedzienaja ŭ 2006 hodzie, napiaredadni prezydenckich vybaraŭ, za źmiaščeńni ŭ vydańni karykaturaŭ na praroka Muchameda, jakija raniej byli nadrukavanyja ŭ dackaj hazecie Jyllands‑Posten. «Zhodu» tady začynili, a skončyć spravu suprać Źdźvižkova nie zmahli, bo toj na peŭnym etapie śledztva niekudy źnik. Sud tady pastanaviŭ prypynić śledztva praz adsutnaść hałoŭnaha abvinavačanaha.
Aryštavali A. Źdźvižkova 18 listapada 2007 h., kali jon pryjechaŭ u Barysaŭ, kab naviedać mahiłu baćki. Z taho času žurnalist znachodziŭsia pad vartaj u śledčym izalatary KDB, dzie jamu nie dazvalali sustrecca z advakatkaj Maryjaj Alaksandravaj. Pavodle infarmacyi svajakoŭ Źdźvižkova, jon chavaŭsia ŭ manastyry ci to ŭ Rasiei, ci va Ŭkrainie.
Sudovy praces prachodziŭ pry začynienych dźviarach. Tolki vynikovuju častku prysudu sudździa Rusłan Aniskievič ahučvaŭ publična. Prakuror Alaksiej Viarenčykaŭ patrabavaŭ pakarać A. Źdźvižkova čatyrma hadami źniavoleńnia.
Prysud moža być abskardžany ciaham 10 dzion i spadar Źdźvižkoŭ, jaki svajoj viny nie pryznaje, zajaviŭ, što hetaj mahčymaściu skarystajecca.
Kolkaść palityčnych viaźniaŭ u Biełarusi imkliva ŭzrastaje.
Małajzija, luty 2006: Časova prypynieny vychad troch hazet, jakija pieradrukavali karykatury.
Danija, sakavik 2006: Prakuratura admoviłasia zavodzić spravu suprać hazety Jyllands‑Posten, jakaja pieršaj apublikavała karykatury na praroka Muchameda z toj pryčyny, što artykuł «Tvar Muchameda», prailustravany satyryčnym komiksam z 12 malunkaŭ, nie parušyŭ dackich zakonaŭ.
Biełaruś, sakavik 2006: Alaksandar Łukašenka ŭ časie vystupu na Ŭsiebiełaruskim narodnym schodzie: «Hazeta [«Zhoda»] budzie začynienaja, kryminalnaja sprava ŭsčataja, a kali buduć padstavy, to ŭsie datyčnyja da hetaha buduć siadzieć u turmie, tamu što heta pravakacyja suprać dziaržavy»
sakavik 2006: karykatury byli pieradrukavanyja ŭ 143 vydańniach 56 krain, u tym liku ŭ Ałžyry, Bośnii j Hiercahavinie, Ehipcie, Indanezii, Jardanii, Małajzii, Maroka i Saudaŭskaj Arabii — krainach ź pieravažna musulmanskim nasielnictvam.
Rasieja, travień 2006: U Vołahdzie apraŭdanaja hałoŭnaja redaktarka haradzkoj hazety «Naš rehijon» Hanna Śmirnova, jakaja pieradrukavała karykatury.
Jardanija, travień 2006: Jardanskija žurnalisty atrymali pa dva miesiacy turmy za karykatury na Muchameda. U zali sudu jany byli vyzvalenyja pad zakład.
Jemen, listapad 2006: Hałoŭny redaktar miascovaj hazety Al‑Rai Al‑Aam («Hramadzkaja dumka») Kamala al‑Olfi (Kamal al‑Olfi) byŭ asudžany na hod turemnaha źniavoleńnia, adnak hieneralny prakuror admianiŭ rašeńnie sudu, zajaviŭšy, što turemnaje źniavoleńnie budzie zanadta surjoznym pakarańniem za pieradrukoŭku karykatur.
Francyja, sakavik 2007: Paryski sud źniaŭ abvinavačańni z hałoŭnaha redaktara časopisu «Šarli Ebdo» Filipa Vala. U padtrymku vydańnia vystupiŭ siarod inšych kiraŭnik MUS Francyi i tady jašče kandydat u prezydenty Nikala Sarkazi, jaki adpraviŭ u adraz žurnalistaŭ list z uchvaleńniem.
Irak, lipień, 2007: Kiraŭnictva «Al‑Kaidy» abjaviła ŭznaharodu 100 tysiač dalaraŭ za zabojstva švedzkaha karykaturysta Łarsa Viłksa (Lars Vilks), jaki namalavaŭ karykatury na praroka Muchameda.
Ciapier čytajuć
«Lublu, kali biełarusy biełarusiacca»: u sacsietkach žartujuć z nadvorja i abmiarkoŭvajuć prablemy3
Kamientary