Stvaralniki raskryli siužet piataj častki «Pirataŭ Karybskaha mora», zdymki jakoha startavali ŭ aŭstralijskim štacie Kvinślend, paviedamlajecca ŭ błohu kampanii Disney, jakaja kuryruje prajekt. Stužka z padzahałoŭkam «Miarćviaki nie raskazvajuć kazki» vyjdzie ŭ prakat u červieni 2017 hoda.
Pa siužecie kapitan Džek Vierabiej, jakoha znoŭ syhraje Džoni Dep, budzie zmahacca z kapitanam Sałazaram i jaho kamandaj pirataŭ-zdaniaŭ, jakija sabralisia źniščyć usich marakoŭ na śviecie. Hieroju Depa treba budzie znajści tryzubiec Pasiejdona, jaki dapamoža jamu supraćstajać złačyncam.
Rolu kapitana Sałazara vykanaje Chaŭjer Bardem. Akramia taho, da akciorskaha składu dałučylisia Kaja Skadiełaryja, Krystaf Valc, Brentan Tuejts i, vierahodna, Arłanda Błum.
Pieršy film sieryi «Piraty Karybskaha mora: Praklon «Čornaj žamčužyny» vyjšaŭ na ekrany ŭ 2003 hodzie, sabraŭšy ŭ prakacie 654 młn dalaraŭ. Sikvieł, jaki źjaviŭsia praz try hady, zarabiŭ užo bolš za miljard dalaraŭ. Treciaja karcina vyjšła ŭ 2007-m i taksama stała samaj kasavaj stužkaj hoda. Niahledziačy na toje, što pieršapačatkova płanavałasia abmiežavacca tryłohijaj, kampanija Disney ŭ 2011-m vypuściła čaćviorty film.
Ciapier čytajuć
U jakim miesiacy biełarusy pamirajuć čaściej za ŭsio?1
Kamientary