Cudy Mienščyny: Budsłaŭski kaścioł na pieršym miescy, Nacyjanalnaja biblijateka na 28-m
Vyznačylisia siem cudaŭ staličnaj vobłaści.
Idzie Internet‑akcyja «Siem cudaŭ Minščyny». Jana była pryśviečana 70‑hodździu staličnaj vobłaści i pravodziłasia na sajcie Siem cudaŭ.
Usiaho ŭ hałasavańni brali ŭdzieł 46 abjektaŭ.
Pieršaje miesca zaniaŭ Kaścioł u Budsłavie -- pa stanie na 15.45 za jaho prahałasavali 15 640 čałaviek. Na druhim miescy Pałacava-parkavy ansambl u Niaśvižy, za jaho prahałasavali 15 109 čałaviek. Na trecim miescy Uvaskrasienski sabor u Barysavie (14 888).
Čaćviertaje miesca ŭ kaścioła jezuitaŭ u Niaśvižy (14 673), piataje ŭ kaścioła Śviatoha Jazepa ŭ Rubiaževičach (14 546), šostaje i siomaje miesca padzialili kaścioł Uzvyšeńnia Śv. Kryža ŭ Vialejcy i kaścioła śviatoha Michała Archanioła ŭ Iviancy. Jany nabrali pa 14 435 hałasoŭ.
Vośmaje miesca zaniaŭ kaścioł śv. Alaksieja ŭ tym ža Iviancy (14 055 hałasoŭ).
Mienskija śviatyni trapili ŭ siaredzinu: pravasłaŭny sabor śv. Ducha na 22-m miescy (6 288), carkva śv. Piatra i Paŭła -- na 23 -m miescy, čyrvony kaścioł - 25-ty (5 222), Archikatedralny kaścioł na Płoščy Svabody - 32-hi.
Aficyjnaja "mienskaja śviatynia" - Nacyjanalnaja biblijateka Biełarusi - na 28-m miescy. Za jaje addaŭ hołas 4 491 čałaviek.
Apošniaje, 46- miesca, zaniała voziera Narač, za jaho addali hałasy 2 778 čałaviek.
***
Akcyja "Siem cudaŭ Mienščyny" startavała 11 kastryčnika 2007 h. Jaje inicyjavali adździeł pa spravach moładzi Vialejskaha rajvykankamu i Vialejski harkam HA "BRSM" pry padtrymcy rajonnaj hazety "Šlach pieramohi", abłasnoj haziety "Minskaja praŭda" i inšych.
Choć akcyja aficyjna skončana, hałasy za architekturnyja pomniki jašče dadajucca.
Pahladzieć rejtynh usich cudaŭ.
Kamientary