Kijeŭ i Danbas pavinny šukać mahčymaści i damaŭlacca mirnym šlacham, i kali ŭłady Ukrainy chočuć bačyć Danbas u svaim składzie, im varta spynić dyskryminacyju žycharoŭ hetaha rehijona. Takuju dumku ŭ intervju telekanału «Rasija 1» vykazaŭ były prezident Ukrainy Viktar Janukovič, pieradaje RIA Novosti.
«Ja ŭpeŭnieny, što niama inšaha šlachu», — skazaŭ Janukovič, adkazvajučy na pytańnie, ci jość šanc na paŭnacennyja pieramovy pamiž Kijevam, Danbasam i Łuhanskam.
«Spynić vajnu, spynić źnievažać žycharoŭ paŭdniovaha ŭschodu, źniać hetyja jarłyki ź ludziej. Dać harantyi ab tym, što samakiravańnie budzie dastatkovym dla hetych rehijonaŭ, kab abaranić svaje pravy. I ŭ hetym pracesie pavinny brać udzieł abaviazkova jeŭrapiejskija krainy i Rasija», — dadaŭ jon.
Na dumku Janukoviča, kali Kijeŭ choča bačyć terytoryi Danbasa ŭ składzie ŭkrainskaj dziaržavy, nieabchodna spynić u dačynieńni da ich dyskryminacyju.
«Kamu mahło pryjści ŭ hałavu, naprykład, u toj čas, kali ja byŭ prezidentam Ukrainy, što Janukovič pazbavić piensijanieraŭ zachodnich rehijonaŭ piensii? Jak heta tak? Jak možna pazbavić sacyjalnych harantyj, jakija prapisany ŭ Kanstytucyi?» — skazaŭ jon.
«Šmat nabrałasia kryŭdaŭ, šmat nabrałasia niedavieru i nianaviści siońnia ŭ tych ludziej, čyje siemji paciarpieli. Vielmi šmat zahinuła ludziej, vielmi šmat ludziej źniščanych. I kab siońnia my mahli dajści da takoha ŭzroŭniu davieru, jaki dazvolić nam žyć razam, patrebny čas. Tamu patrebny i pierachodny pieryjad. I treba krok za krokam iści pa šlachu zavajovy davieru. A dla hetaha, pierš za ŭsio, treba spynić vajnu», — zajaviŭ były ŭkrainski prezident.
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary