Musulmanskaja supolnaść paprasiła ŭčastak u Maskvie pad miačeć imia Pucina

Pavodle niekatorych dadzienych, musulmanskaja supolnaść Rasii paprasiła Siarhieja Sabianina vydzielić ziamielny ŭčastak pad budaŭnictva miačeci imia Uładzimira Pucina. Takim čynam musulmanie vyrašyli vykazać padtrymku kiraŭniku dziaržavy i jaho palitycy.

Pavialičyć

Na płany viernikaŭ źviarnuła ŭvahu «Echo Moskvy», što znajšło cikavuju infarmacyju na sajcie infarmacyjnaha ahienctva IslamNews. Jano ŭ svaju čarhu pakazała, što ŭ rasparadžeńni redakcyi majecca kopija zvarotu da staličnaha mera ad staršyni CRA «Abjadnany isłamski kanhres Rasii» Šaŭkat-chadžy Aviasava. Na samaj spravie tekst zvarotu dastupny ŭsim z 12 lutaha — jon apublikavany na sajcie arhanizacyi, ale dziakujučy ŭvazie ŚMI byŭ daniesieny da šyrokaj aŭdytoryi.

Jak vynikaje z tekstu, Aviasaŭ zaklikaŭ relihijnyja arhanizacyi i ŭsich hramadzian, niezaležna ad vieravyznańnia, padtrymać inicyjatyvy prezidenta. Zachodnija krainy, pavodle jaho słoŭ, arhanizavali infarmacyjnuju vajnu z metaj pierapisać historyju, «siejuć pa ŭsim śviecie chaos, sprabujuć siłaj zbroi i ekanamičnych sankcyj ŭkaraniać u inšych krainach amaralnuju, zachodniuju demakratyju», a ZŠA i zusim prajaŭlajuć «ŭsie prykmiety djabła». «Vałodajučy vielizarnaj ekanamičnaj i vajennaj mahutnaściu, ukaraniajučy virus iluzornaj zachodniaj demakratyi, sprabujuć pabudavać Suśvietny amaralny Vaviłon», — havorycca ŭ zajavie.

Jość i takaja cytata: «Mienavita ŭ hety ciažki dla krainy čas my pavinny jak nikoli zhurtavacca i padtrymać prezidenta krainy Pucina Uładzimira Uładzimiraviča, padtrymać pryniatyja rašeńni pa ŭźjadnańni Kryma i Rasii, Krym byŭ, jość i budzie na viaki terytoryjaj Rasii».

Narešcie, musulmanie, jak vynikaje z zajavy Aviasava, ličać Pucina epachalnaj asobaj, pasłanaj zvyš, kab «pryvieści našu Ajčynu ŭ epochu Załatoha roskvitu, vyratavać śviet ad zachodniaj amaralnaści i fašysckaj čumy». I źjaŭlajucca nie prosta prychilnikami prezidenta, ale i «jaho vajarami». Tut varta adznačyć, što padobnuju farmuloŭku pry vyrazie padtrymki prezidentu nie tak daŭno vykarystaŭ Ramzan Kadyraŭ. Vystupajučy ŭ Hroznym pierad šmattysiačnaj aŭdytoryjaj dobraachvotnikaŭ, jakija prajšli vajennuju padrychtoŭku, jon u pryvatnaści zajaviŭ: «My havorym na ŭvieś śviet, što źjaŭlajemsia bajavoj piachotaj Uładzimira Pucina i, kali pastupić zahad, my na spravie dakažam, što tak heta i jość».

Što da zvarotu kiraŭnika «Abjadnanaha isłamskaha kanhresa», to ŭ im, akramia zajaŭ ab padtrymcy palityčnaha kursu kiraŭnictva krainy, prysutničaje i «kankretyka»: «My — patryjatyčna nastrojenaja častka musulman Rasii — źviarnulisia da kiraŭnictva krainy dazvolić nam pabudavać u h. Maskvie miačeć imia Pucina Uładzimira Uładzimiraviča, kab jaho imia zachavałasia na stahodździ siarod narodaŭ našaj šmatnacyjanalnaj Ajčyny, a taksama źviarnulisia da mera h. Maskvy Sabianina S.S. ab vydzialeńni ŭčastka ziamli pad budaŭnictva hetaj miačeci».

Infarmahienctva dadaje, što Aviasaŭ taksama vykazaŭsia za padaŭžeńnie paŭnamoctvaŭ Pucina va ŭmovach «składanaj abstanoŭki ŭ śviecie, jakaja budzie pahražać našaj krainie, našaj niezaležnaści».

• 0
• 0
• 0
• 0
• 0
• 0
• 0
• 0