Biełaruskija mužčyny ŭ siarednim śpiać 8 hadzin 27 chvilin, žančyny - 8 hadzin 2 chviliny. Ab hetym paviedamili ŭ Fondzie AAN u halinie narodanasielnictva (JUNFPA) u Biełarusi.
Na čytańnie haziet, časopisaŭ, internet i telebačańnie mužčyny traciać u dzień u siarednim 2 hadziny 12 chvilin, žančyny — 1 hadzinu 9 chvilin.
Žančyny ŭ Biełarusi majuć bolš vysoki ŭzrovień adukacyi, čym mužčyny, ale pry hetym zaniaty ŭ mienš apłatnych prafiesijach i halinach vytvorčaści. Vyšejšaja abo siaredniaja śpiecyjalnaja adukacyja jość u 55% pracujučych žančyn i 38% mužčyn. Siarod zaniatych u ekanomicy dola pracujučych žančyn z vyšejšaj adukacyjaj składaje 26,9%, u toj čas jak anałahičny pakazčyk dla mužčyn roŭny 20,2%.
Udzielnaja vaha žančyn pa rabočych śpiecyjalnaściach składaje 43,7%, žančyn-słužačych — 68,1%, kiraŭnikoŭ — 46,5%, śpiecyjalistaŭ — 74,2%. Pavodle danych Ministerstva pracy i sacyjalnaj abarony, dola žančyn u ahulnaj kolkaści pracujučych dasiahaje amal 54%.
Biełaruś uvajšła ŭ lik 27 krain śvietu, jakija dasiahnuli metavaha pakazčyka pa ŭdziele žančyn u pracesie pryniaćcia rašeńniaŭ. U biełaruskim parłamiencie amal 30% žančyn. Try žančyny ŭznačalvajuć respublikanskija orhany dziaržaŭnaha kiravańnia — ministr pracy i sacyjalnaj abarony, ministr infarmacyi, staršynia Nacyjanalnaha statystyčnaha kamiteta.
Ciapier čytajuć
Za minuły hod nasielnictva Biełarusi skaraciłasia jašče na 53 tysiačy čałaviek18
Kamientary