Pieršaje biełaruskamoŭnaje nabaženstva adbyłosia ŭ pravasłaŭnaj carkvie ŭ Sucharavie ŭ Minsku
Pakul, praŭda, słužyć na rodnaj movie buduć tolki raz na miesiac.
Pieršaja słužba na biełaruskaj movie adbyłasia 8 sakavika ŭ prychodzie Sv. Michaiła Archanhieła (chram Sv. Błažennaj Ksienii Pieciarburhskaj, što ŭ Sucharavie). Vioŭ słužbu ajciec Alaksandr Šramko. Pa-biełarusku pramaŭlaŭ śviatar, čytalisia carkoŭnyja teksty, śpiavaŭ chor.
Pa słovach udzielnicy carkoŭnaha choru Natalli Hrakovič, ludziej było šmat. «Ja była ździŭlena, što ludziej było stolki — čałaviek 100. Było šmat ź inšych prychodaŭ. Ja i sama naležu da inšaha».
«Słužby buduć adbyvacca raz na miesiac, jak skazaŭ a. Alaksandr. Kali budzie patreba čaściej, to budzie razhladacca pytańnie. Nastupny raz papiarednie zapłanavany praz tydzień paśla Vialikadnia», — adznačyła Natalla. Jana ličyć hetuju biełaruskamoŭnuju słužbu praryvam, pakolki, pa jaje słovach, u nas carkva kansiervatyŭnaja da takich navinak.
Chram Sv. Błažennaj Ksienii Pieciarburhskaj znachodzicca na vulicy Jankoŭskaha, 2. Sačyć za padziejami prychoda možna ŭ supołcy ŭ «Fejsbuku».
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty20
Kamientary