Antrapamorfny (čałaviekapadobny) robat «Avatar», raspracoŭka jakoha viadziecca pry padtrymcy Fondu pierśpiektyŭnych daśledavańniaŭ (FPD), da kanca hoda pavinien budzie pieraadoleć pałasu pieraškod i navučycca kiravać transpartnymi srodkami.
Pra heta paviedamiŭ siońnia staršynia Navukova-techničnaha savieta FPD, namieśnik hienieralnaha dyrektara Fondu Vital Davydaŭ.
«Prahramaj rabot pa hetym prajekcie praduhledžana pravieści ŭ kancy hoda vyprabavańni robata na pałasie pieraškod. «Avatar» pavinien pieraadoleć jaje elemienty, prademanstravać mahčymaść kiravańnia roznymi techničnymi pryładami, u tym liku aŭtamabilem, padniacca pa leśvicy», — raspavioŭ jon.
Pieršapačatkova stvareńnie antrapamorfnaha robata ažyćciaŭlałasia ŭ intaresach MNS z metaj zabieśpiačeńnia rabot vyratavalnych słužbaŭ u niebiaśpiečnych dla žyćcia i zdaroŭja čałavieka umovach. Adnak paśla było ŭličana, što bolšaść kampanientaŭ robata-vyratavalnika mohuć być vykarystanyja i dla vyrašeńnia vajennych zadač, infarmavaŭ Davydaŭ.
«Ciapier idzie havorka ab stvareńni rabatyzavanaj płatformy, na jakoj adpracoŭvajucca ŭsie klučavyja elemienty, jakija nieabchodnyja dla vyrašeńnia šyrokaha koła zadač, uklučajučy vajennyja», — skazaŭ jon.
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary