Ukraina maje namier vykarystać zajavy byłoha kamandujučaha (1991—1992) Čarnamorskim fłotam RF Ihara Kasatonova pry padrychtoŭcy pazovaŭ suprać Rasii.
Pra heta paviedamiŭ śpikier Ministerstva zamiežnych spraŭ Ukrainy Jaŭhien Pierabiejnis.
«Usie hetyja pakazańni buduć dałučanyja da pazovach suprać Rasiei. Heta dakładnaje pryznańnie taho, što nijakaha refierendumu nie było, usio falsifikavana. Krym zachopleny na zahad vyšejšaha kiraŭnictva Rasii, i jany navypieradki vychvalajucca, jak heta było zroblena», — padkreśliŭ pradstaŭnik MZS.
Pra padziei, jakija papiaredničali anieksii Kryma, Ihar Kasatonaŭ, jaki kamandavaŭ ČF ŭ 1991—1992 hadach, na dniach raspavioŭ u intervju «RIA Naviny».
Kasatonaŭ paćvierdziŭ, što tak zvanyja vietlivyja ludzi, jakija błakavali ŭkrainskich vajskoŭcaŭ na terytoryi paŭvostrava, — heta siłaviki, jakich dastavili z Rasii. Bolš kankretna — armiejski śpiecnaz.
«U Krymu raźviedka NATA praziavała ŭsio što možna i nielha, — skazaŭ Kasatonaŭ. — Pryčyny kryjucca ŭ režymie strohaha radyjomaŭčańnia ŭ pieryjad nakapleńnia hrupoŭki, a taksama va ŭmiełym vykarystańni sievastopalskaj bazy, transpartnych bajavych srodkaŭ, jakija dastaŭlali uzbrojenyja siły ŭ Krym». Na pytańnie, adkul prybyvali karabli, jon adkazaŭ, što z Navarasijska. Były kamandujučy dadaŭ, što vojski pierakidvali i pa pavietry.
Na paŭvostraŭ, jak adznačyŭ Kasatonaŭ, byli pierakinutyja «dyviersijnyja padraździaleńnia, navodčyki, pravadniki, jakija dziejničali razam z hrupoŭkaj fłotu».
Raniej premjer-ministr Ukrainy Arsienij Jacaniuk užo daručyŭ pieradać u Haahski trybunał videamateryjał rasijskaha dakumientalnaha filma «Krym. Šlach na Radzimu» i dadaŭ, što filmam «pavinny zacikavicca mižnarodnyja prakurory i śledčyja».
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ23
Kamientary