U CVK Kazachstana chočuć adradzić pravierku psichičnaha zdaroŭja vyłučencaŭ u prezidenty
U Centralnaj vybarčaj kamisii Kazachstana paśla skandału na ekzamienie pa kazachskaj movie, jaki ŭčyniŭ ciapier užo były pretendent na pasadu prezidenta Murat Cielibiekaŭ, padumvajuć ab tym, kab viarnuć normu ab pradastaŭleńni vyłučencami daviedki ab psichičnym zdaroŭi.
«Vy, napeŭna, kalehi, pamiatajecie, u 2011 hodzie jon (Cielibiekaŭ) u nas bałatavaŭsia. Tady jon prosta nie staŭ zdavać ekzamien pa movie, a ŭ hety raz prosta vyrašyŭ hetuju praceduru paŭtaryć, ale z bolšym šumavym efiektam. Tak atrymlivajecca», — skazaŭ staršynia CVK Kuandyk Turhankułaŭ na pasiadžeńni ŭ paniadziełak.
U svaju čarhu jaho namieśnik Uładzimir Faos zaŭvažyŭ: «Moža, sapraŭdy, majuć racyju tyja, chto prapanujuć viarnucca da pracedury pravierki psichičnaha stanu kandydataŭ. Takich (jak Cielibiekaŭ) budzie šmat».
«Členy linhvistyčnaj kamisii paśla taho, jak nie adbyŭsia linhvistyčny ekzamien, abmieńvalisia dumkami. Jany buduć prapanoŭvać CVK unieści ŭ zakon ab vybarach (normu) ab daviedcy psichičnaha zdaroŭja vyłučanych ludziej», — skazała supracoŭnica Centrvybarkama Lazatam Sulejmen.
«Dobra. Heta sprava zakanadaŭcaŭ. Ale, va ŭsiakim razie, jość padstavy nakont hetaha padumać», — skazaŭ na zakančeńnie kiraŭnik CVK.
Cielibiekaŭ, jaki pryjšoŭ u paniadziełak u Centrvybarkam dla zdačy ekzamienu na viedańnie dziaržaŭnaj kazachskaj movy, sa skandałam pakinuŭ budynak CVK. Śpiarša na praciahu amal hadziny jon spračaŭsia z členami kamisii i CVK, patrabujučy dapuścić na ekzamien jaho «davieranuju asobu» dla taho, kab zrabić videazdymku ekzamienacyjnaha pracesu. Zatym pačaŭ vyłučać svaje ŭmovy adnosna rehłamientu zdačy ekzamienu.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski8
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2323
Kamientary