Troje 15-hadovych vychavancaŭ Mahiloŭskaj dziaržaŭnaj śpiecyjalnaj škoły zakrytaha typu samavolna pakinuli navučalnuju ŭstanovu.
«Na druhim paviersie ŭ faje śpiecškoły jany raźbili šybu, pieraleźli cieraz aharodžu i ŭciakli ŭ nieviadomym napramku, — paviedamiła inśpiektarka hrupy infarmacyi i hramadskich suviaziaŭ Leninskaha RAUS Mahilova Alena Simanava. — Pravierka vyśvietliła, što ŭ ich niama ni dakumientaŭ, jakija śviedčać asobu, ni mabilnych telefonaŭ, tolki karta aŭtamabilnych daroh».
Zhodna ź infarmacyjaj, raspaŭsiudžanaj pošukava-ratavalnym atradam «Anioł», padletki ŭciakli 17 sakavika pryblizna ŭ 12.00. Ucioki ŭčynili Alaksiej Hłuchaŭ (1999 hoda naradžeńnia), Maksim Žyžyk (1999 hoda naradžeńnia) i Uładzimir Hajnulin (2000 hoda naradžeńnia).
Alaksiej Hłuchaŭ raniej žyŭ u haradskim pasiołku Biahoml Dokšyckaha rajona Viciebskaj vobłaści. Jaho prykmiety: na vyhlad 17-18 hadoŭ, siaredniaha ciełaskładu, vałasy ciomnyja, vočy karyja.
Maksim Žyžyk minčanin. Na vyhlad 15-17 hadoŭ, rost 180 santymietraŭ, mažnaha ciełaskładu, vałasy rusyja, karotkija, vočy zialonyja.
Uładzimir Hajnulin raniej žyŭ u Baranavičach Bresckaj vobłaści. Na vyhlad 15-17 hadoŭ, rost 170 santymietraŭ, spartyŭnaha ciełaskładu, vałasy rusyja, karotkija, vočy błakitnyja.
Usie padletki byli apranutyja ŭ kamuflažnuju formu sa śviatłoadbivalnikami. U pošukava-ratavalnym atradzie miarkujuć, što ŭciekačy mohuć znachodzicca jak na terytoryi Biełarusi, tak i Rasii.
Dyrektar śpiecškoły Dźmitryj Hienisieŭ admoviŭsia ad kamientaryjaŭ.
Ciapier čytajuć
Aryštavany 75‑hadovy Źmicier Sańko — vieteran-vydaviec2
Kamientary