Minski aŭtamabilny zavod spyniaje hałoŭny kanviejer na 10 dzion. Rabočych adpraviać u vymušanyja adpačynki. Padobnyja prablemy mohuć zakranuć ŭsiu mašynabudaŭničuju halinu.
Jak rastłumačyli Naviny.by na Minskim aŭtazavodzie, za apošni čas jomistaść rynku aŭtamabilnaj techniki mocna ŭpała. Pa hetaj pryčynie pradpryjemstva adčuvaje ciažkaści sa zbytam.
«Sprava nie tolki ŭ tym, što MAZ nie pradaje aŭtamabili. KAMAZ staić rehularna. Volvo naohuł zakryła svaju zboračnuju vytvorčaść u Kałuzie. Heta značyć, my trapili pad suśvietnuju tendencyju, kali jakoj by jakaści nie byli aŭtamabili, jany nie buduć pradavacca, bo niama popytu na suśvietnym rynku aŭtamabilnaj techniki», — raspaviali nam na zavodzie.
Pa dadzienych rasijskaha analityčnaha ahienctva «Aŭtastat», u minułym hodzie na rasijskim rynku MAZ realizavaŭ na 22,7%, abo na 2238 hruzavych aŭtamabilaŭ mienš, čym u 2013 hodzie.
Za dva miesiacy hetaha hoda Minski aŭtazavod pradaŭ u Rasiju 794 hruzavyja aŭtamabili, što na 38,2% mienš, čym za anałahičny pieryjad minułaha hoda.
Situacyja prymusiła pradpryjemstva pravodzić bolš hnutkuju palityku vytvorčaha pracesu, kab nie pracavać na skład.
Pavodle nieaficyjnaj infarmacyi, MAZ spyniaje kanviejer pa vytvorčaści hruzavikoŭ z 27 sakavika pa 6 krasavika. Rabočych adpraviać u adpačynki z zachavańniem dźviuch tracinaŭ ad zarobku.
Kamientary