Rasijski nacyjanalist Białoŭ zajaviŭ, što FSB namaŭlała jaho zabić Kałamojskaha
Lidar nacyjanalistyčnaj arhanizacyi «Ruskija» Alaksandr Białoŭ (Potkin) śćviardžaje, što rasiejskija śpiecsłužby prapanoŭvali jamu paspryjać zabojstvu ŭkrainskaha aliharcha Ihara Kałamojskaha abo jaho aryštu.
Pra heta jon zajaviŭ u intervju vydańniu «Kašyn», pieradadzienym ź SIZA niezadoŭha da jaho pieravodu na psichijatryčnaje abśledavańnie.
«Ja viedaŭ, što mnie pahražaje rasprava z boku režymu [Rasii]. Mnie było viadoma, što roznyja struktury atrymali ŭkazańnie ŭziać mianie ŭ raspracoŭku. Mahčyma, vy pamiatajecie, što ja akazaŭsia ŭ apublikavanym śpisie asob, jakija padlahajuć aryštu pa Bałotnaj spravie», — zajaviŭ Białoŭ.
«Pravakacyi i schileńnie asob z majho akružeńnia da ahavoru nie spynialisia nikoli. Uviesnu 2014 hoda mnie stała viadoma, što zamova na mianie pastupiła z Kazachstana», — adznačyŭ jon.
Białoŭ śćviardžaje: «Na mianie vychodzili supracoŭniki FSB, jakija farmulavali, jak mnie zdavałasia, intaresy rasiejskaj ułady ŭ dačynieńni da majoj dziejnaści. U tym liku pa kantaktach z apazicyjaj Nazarbajevu i ŭ dačynieńni da ŭkrainskich palitykaŭ».
«U vyniku ja zrazumieŭ, što nijakich intaresaŭ nacyjanalnaj biaśpieki ŭ FSB niama. Usie prapanovy i pytańni źvialisia da žadańnia ŭciahnuć mianie ŭ rejdarski zachop rasijskich pradpryjemstvaŭ i ŭdziełu ŭ terarystyčnaj dziejnaści na terytoryi Ukrainy i Francyi», — paviedamiŭ jon.
«Prynamsi, abiacańnie pakinuć mianie ŭ spakoi (i ludziej, jakija tak ci inakš sa mnoj źviazanyja) było dadziena pad umovaj, što my vyrašym pytańnie z Baradoj. Havorka išła ab arhanizacyi likvidacyi, zabojstva, abo łabijavańni aryštu na terytoryi Francyi Ihara Kałamojskaha», — zajaviŭ Białoŭ.
«Vidać, zrazumieŭšy, što ja nie budu ŭdzielničać u padobnych prajektach, mianie vyrašyli prynieści ŭ achviaru Nazarbajevu, uličvajučy aściarohi pa mahčymym maim udziele ŭ jakich-niebudź narodnych vystupach suprać palityki ŭrada RF», — dadaŭ jon.
Pa słovach Białova, rasijskija śpiecsłužby vykonvajuć prośby «sastarełaha dyktatara, bo ad jaho zaležyć pazicyja Kazachstana pa Ukrainie» i budučynia Mytnaha sajuza.
Raniej paplečnik Białova Dźmitryj Dziomuškin zajaŭlaŭ, što im prapanoŭvali adpraŭlać dobraachvotnikaŭ u Nachvardyju Ukrainy.
«Heta vysokapastaŭlenyja supracoŭniki, jakija chacieli praz hetyja bataljony ŭkaraniać svaju ahienturu, i kab my źbirali (dobraachvotnikaŭ). A potym my b, jak zborščyki najmitaŭ, sieli ŭsie, i ruskija nacyjanalisty byli b dyskredytavanyja», — kazaŭ jon.
Ciapier čytajuć
Ejsmant: Statkieviča pamiłavali ŭžo paŭhoda nazad, ale tady jon viarnuŭsia ŭ turmu30
Kamientary