Da 2020 hoda 5 krytych futbolnych maniežaŭ mohuć być uźviedzienyja ŭ roznych rehijonach Biełarusi. Takuju inicyjatyvu ahučyŭ staršynia asacyjacyi «Biełaruskaja fiederacyja futboła» Siarhiej Rumas na čarhovaj spravazdačna-vybarčaj kanfierencyi ABFF. Uźviadzieńnie maniežaŭ praduhledžana stratehijaj raźvićcia biełaruskaha futboła na pieryjad da 2020 hoda.
«My ličym, što krytyja areny buduć uźviedzienyja pa anałohii z typavym prajektam manieža, jaki paśpiachova funkcyjanuje ŭ Futbolnaj akademii ŭ Pinsku. Heta dazvolić rassunuć ramki futbolnaha siezonu i zabiaśpiečyć kruhłahodnuju padrychtoŭku futbalistaŭ u krainie», — adznačyŭ Siarhiej Rumas.
Praciahniecca ŭźviadzieńnie štučnych paloŭ. Pa słovach Siarhieja Rumasa, kali za pieryjad z 2001 pa 2011 hod u Biełarusi byli pabudavanyja 9 standartnych futbolnych paloŭ ź sintetyčnym pakryćciom, to za apošnija čatyry hady ich źjaviłasia 10. Na čarzie kładka troch paloŭ u Viciebskaj, Bresckaj i Minskaj abłaściach. Płanujecca, što da pačatku 2016 hodu. ABFF z dapamohaj prahramy UEFA «Chiet-tryk» daviadzie kolkaść paloŭ sa štučnym hazonam da 23.
Akramia taho, u adpaviednaści z Ukazam prezidenta №357 ad 18 lipienia 2014 hoda, u Minsku pavinien być pabudavany novy nacyjanalny futbolny stadyjon u rajonie pierasiačeńnia Partyzanskaha praśpiekta i vuł. Vaniejeva. Užo abjaŭleny konkurs na vybar padradnaj arhanizacyi dla ŭźviadzieńnia abjekta «pad kluč». Aryjencirovačny košt budaŭnictva — 94 młn jeŭra. Umiaščalnaść stadyjona miarkujecca ŭ rajonie 33-35 tysiač hledačoŭ, a čas zdačy namiečany na 2018 hod.
Nahadajem, siońnia kamitetam pa infrastruktury UEFA pryniata 11 biełaruskich stadyjonaŭ. Ale tolki adzin ź ich — «Barysaŭ-Arena» — adpaviadaje čaćviortaj katehoryi, jakaja dazvalaje prymać matčy samaha vysokaha ranhu až da hulniaŭ finalnaj častki čempijanataŭ śvietu i Jeŭropy. 4 biełaruskich stadyjony adpaviadajuć treciaj katehoryi UEFA i 6 stadyjonaŭ — druhoj katehoryi UEFA. Dla paraŭnańnia, areny 2-j katehoryi nie mohuć pretendavać na praviadzieńnie hulniaŭ u ramkach jeŭrakubkaŭ vyšej stadyi kvalifikacyjnych raŭndaŭ.
-
Futbalisty «Mančester Sici» viernuć zaŭziataram hrošy za kvitki paśla niečakanaj haściavoj parazy ŭ Lizie čempijonaŭ
-
«Dałas» viarnuŭ biełaruskaha abaroncu Uładzisłava Kalačonka i adrazu adpraviŭ u farm-kłub
-
Mižnarodnaja fiederacyja chakieju praciahnuła adchileńnie zbornaj Biełarusi ad mižnarodnych spabornictvaŭ
Kamientary