12 (3). Michaił Miaśnikovič
Staršynia savieta respubliki.
Urad Michaiła Miaśnikoviča Łukašenka faktyčna abjaviŭ vinavatym u valutnym kryzisie. Ale nikoha z čynoŭnikaŭ tak i nie pakarali.
Novaja pasada Miaśnikoviča — siniekura. Amal nikoha ź jahonych papiarednikaŭ (aproč Barysa Batury) Łukašenka nie viartaŭ u vialikuju palityku.
Ale ci vieryć chto-niebudź, što daśviedčany Michaił Miaśnikovič nasamreč zastaniecca pa-za hulnioj? Jon byŭ kiraŭnikom vybarčaha štaba ŭ Viačasłava Kiebiča padčas razhromnaj parazy ŭ 1994, na dziesiacihodździe trapiŭ u Akademiju navuk, ale ŭsio adno viarnuŭsia navierch.
Jašče z 1990-ch jon maje ščylnyja suviazi z rasijskimi elitami i zastajecca samym paznavalnym biełaruskim palitykam paśla Łukašenki.
U statusie staršyni savieta respubliki Miaśnikovič praciahvaje katacca pa krainie, nibyta i nie sychodziŭ z pasady premjer-ministra.
Cytata
«Pieradusim my pavinny hladzieć, kab było spakojna na valutnym rynku».
Listapad 2014, padčas publičnaj dyskusii z pamočnikam prezidenta Kiryłam Rudym.
Abjektyŭka
Nar. u 1950 u vioscy Novy Snoŭ Niaśvižskaha rajona. Zakončyŭ Brescki inžynierna-budaŭničy instytut (1972), Minskuju Vyšejšuju partyjnuju škołu (1989). Doktar ekanamičnych navuk.
Inžynier «Minskvodakanała» (1973—1977), hałoŭny inžynier, kiraŭnik upraŭleńnia pradpryjemstvaŭ kamunalnaha absłuhoŭvańnia Minharvykankama (1977—1983). Pracavaŭ u kiraŭnictvie minskaha Savieta narodnych deputataŭ (1983—1985), byŭ sakratarom Minskaha harkama KPB (1985—1986). Ministr ŽKH BSSR (1986—1990), staršynia Dziaržkamiteta pa ekanomicy i płanavańni (1990—1991). Vice-premjer (1990—1995), kiraŭnik Administracyi prezidenta (1995—2001), kiraŭnik Akademii navuk (2001—2010), premjer-ministr (2010—2014). Z 2015 — staršynia savieta respubliki. Žanaty, maje syna i dačku.
* * *
Čytajcie taksama:
«Miaśnikovičy nikoli ŭ KDB pracavać nie buduć!»
* * *
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB23
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ44
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ4
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary