Praz stahodździ žyvioły adaptujucca da susiedstva z čałaviečaj cyvilizacyjaj — albo čałaviek adaptuje ich.
Raśliny i źviary Ziamli pieražyli piać masavych vymirańniaŭ i ŭ našyja časy pieražyvajuć šostaje — dziakujučy čałavieku. Ale čałaviek zdolny i ŭvaskrasić źniščanyja vidy, i stvaryć novyja. Mastačka Ketryn Fleminh ujaviła žycharoŭ zaaparku budučyni, pieradaje Gizmodo.
Fleminh stvaryła sieryju dyjaram z «žyviołami budučyni». Dziela realizmu jana skarystałasia viedami pa taksidermii i roznymi mietadami navukovaha madelavańnia. Vyniki atrymalisia na miažy fantastyki, ale zastajucca pa-navukovamu realistyčnymi.
Drevavy ihłak, padobny da vožyka Sonika, budzie majstram maskiroŭki i kreatyŭnym budaŭnikom hniozdaŭ. Admysłovyja elektrasensornyja kletki dapamohuć jamu znachodzić kałonii murašoŭ.
Napaŭžyraf, napaŭłoś, napaŭaleń, napaŭ-jašče-niešta zmoža vykarystoŭvać «dapracavanyja» kapyty, kab łazić choć pa skałach, choć pa pravadach. U bojku z uładalnikam «palepšanych» rahoŭ lepiej nie leźci.
Šaściłapy hibryd sabačych i kacinych zmoža adbivać śviatło svajoj mietalovaj poŭściu tak, što vy nie zrazumiejecie, dzie jon, pakul jaho hihanckija ikły nie buduć u vašaj šyi.
Usie žyvioły budučyni Ketryn Fleminh padrabiazna apisanyja na jaje sajcie.
Kamientary